Christmas Countdown

Banat 101

kung mahal mo ako , sabihin mo na ... Baka kasi unahan pa kita, KILIGIN ka pa

Ask Me Anything

Palitan Na Natin Ang Memory Miyerkules

Kung mapapansin ninyo, hindi na ako nagsusulat ng Memory Miyerkules. Hindi ko alam pero tinamad na ako magsulat tungkol sa kabataan ko.

Hindi naman naubos ang mga memories. Medyo personal na lang yung mga naiwan kaya hindi na karapatdapat pa ilathala sa internet. Siguro, pag naglabas ako ng libro, mababasa ninyo yung mga deep dark secrets na sana ay naisulat sa P:MM pero hindi na nailabas.

Pero ngayon, tingin ko, kailangan ko magsimula ng isa pang blog meme. Gagawin ko naman ang every Friday na tungkol sa kung ano ang nagustuhan ko sa isang tao. Malamang kilala na ninyo kung sino yung tao na yun dahil nasa title siya ng blogpost na to.

Tatawagan ko ito na Project: Friday is 4 Farah, or simply P:F4F. Tignan natin kung ano ang kahihinatnan.

Ang unang blogpost para sa project na ito ay lalabas next week. Gusto ko lang mag-commit ngayon para sure na lumabas na ang project next week.

Sure din naman ako na nagbabasa siya ng blog ko. Sana magustuhan niya ang gagawin kong project.

Abangan!

 

January 27th, 2012 | Tags: , | Category: Friday is For Farah, Girlfriend Chronicles, Memory Miyerkules | Leave a comment

Running Tips - Tailing

Tailing. Ito ang gagawin mo pag naiinis ka tumakbo “Against the Wind”.

Sumama ako sa Thursday Run ng A Runner’s Circle kahapon. From the store to MoA’s Eye and back ang route. 10k sakto yun.

Nung pabalik na kami, dumaan kami sa kalsada na malakas ang hangin dahil nakatalikod ka sa dagat. Nakakapuwing ang alikabok at ang hirap tumakbo. Buti na lang at may mga kasama ako na iba pang runners.

Ang ginawa ko, sinundan ko yung isang runner. Medyo malaki siya. Hindi ko na tinanong name dahil busy kami sa pagtakbo. At hindi lang basta sinundan, tinutukan ko siya. Ginawa ko siyang shield para hindi ako masyadong tamaan ng hangin. Sa lapad din niya, hindi rin ako napupuwing. Ayos talaga yung ganun.

Tailing daw ang tawag dun. Hindi ako sure pero yun ang narinig ko. Paki-correct na lang ako pag mali ako.

Sa takbo na yun talaga ako nakapag-decide na hindi muna magma-marathon. Wala talaga akong oras sa pagtakbo. Isa pa, kailangan ko tumaba ng konti. Lastly, hindi kaya ng sweldo ko ang luho ng pagtakbo. Puro training muna ako at hindi muna ako sasali sa mga run. Nakarami na naman ako last year e.

Tsaka wala ang running sa TO DO LIST 2012 ko kaya pwede mag-petiks. Susunod na lang muna ako sa mga malalakas.

Happy Running Everyone!

January 27th, 2012 | Tags: , , , | Category: Kwentong araw araw | 14 comments

Cebu Pacific Piso Fare

Isang mabilis na update lang.

Kasunod ng DOT slogan na #1forfun, naglabas ng piso fare ang Cebu Pacific. Sila ang pioneer sa promo flights sa bansa.

Click na sa picture para sa flight details.

1 for fun. cebu pac

1 for fun. cebu pac

Mag-book na kayo bago magunaw ang mundo!

January 20th, 2012 | Tags: , , | Category: Swoosh News | Leave a comment

TO DO LIST 2012

Alam ko, super late na to. Dapat ang New Year’s Resolution, dini-declare bago magpalit ang taon. Pero dahil tamad ako at wala talag akong maisip kundi yung mga kapalpakan ko sa 2011, hindi ako nakagawa ng TO DO LIST 2012 ko.

Pwede pa naman makahabol di ba? Sabi nga nila, it is better late than pregnant.

Well, eto na ang pinakaiintay ng mga tagasunod ng blog ko, ano ba ang gagawin ng Kampeon this 2012? Ano ba ang priorities niya?

  • Zero out Credit Card.

Yan lang ang aking TO DO LIST. Wala nang iba.

Gaya ng inaasahan natin sa taon na 2012, at sabi na rin ng Mayan civilization, make or break ang 2012. Sabi nila, magugunaw daw ang mundo sa December 21, 2012. Walang nakakaalam kung totoo ito na mangyayari, isa lang ang sure ako, it is either mapapahiya ang Mayan civilization o talagang magugunaw nga ang mundo.

Yun din ang gusto ko mangyari sa 2012 ko.

Gusto ko, make or break din ako. It will be all or nothing para sa akin. Pag hindi ko nagawa, edi palpak. Pag nagawa ko naman, edi 100% Happiness.

Isa pa, this weekend pa naman magpapalit ang Chinese Calendar. Hindi pa ako late sa aking New Year’s Resolution.

January 18th, 2012 | Tags: | Category: Personalan | 8 comments

Comment Exchange

Natutuwa ako kapag mag nagko-comment sa blog ko. Kahit mga simpleng “good job” o kaya ay “nice post” ok na sakin. Basta sure na hindi bot ang nag-comment, ina-approve ko.

Lately ko lang nalaman na mas madali talagang makakuha ng nagko-comment sa blog mo kung nagko-comment ka rin sa iba. Comment Exchange ang tawag dun. Kapag nag-comment ka sa blogpost ng iba, make sure na makakapag-iwan ka ng link sa blog mo para makapag-comment back sila.

Hindi 100% na babalik lahat ng comments mo. Syempre, busy rin ang mga bloggers kaya hindi lahat ng comments ay napagtutuunan nila ng pansin.

Ako, aminado ako, hindi lahat ng mga nakakapag-comment sa blog ko ay nababalikan ko sa blog nila. Pero I make sure na nababasa ko ang lahat ng comments. Kahit pa simpleng “ampanget ng pagkakasulat mo” o kaya “may maling spelling ka”, binabasa ko yan. Kagre-reply naman ako pag may panahon.

Isa sa mga blogpost ko na may pinakamalupit na nag-comment ay ang book review ko tungkol sa pinakahuling Pugad Baboy na libro. Medyo nag-init ata yung reader ko kaya binigyan niya ako ng lecture. Ina-assure ko naman sa inyo na binasa ko ang comment niya. Ayos lang sa akin kahit medyo negative ang comments. Kasama sa buhay blogger yan, ang ma-batikos.

This time, I will make sure na lahat ng magko-comment sa ibaba ay bibisitahin ko ang mga blog nila. Kapag wala kang blog, gamitin mo ang Facebook page mo para ma-like ko ang page mo o ma-add kita as friend.

January 12th, 2012 | Category: The Internet | 26 comments
 
  Older Entries »