Monthly Archives: April 2011

Memory Miyerkules KATSUPOY

May panahon nung bata ako na kailangan ko na magpagupit ng buhok. Magsisimula na kasi ang school at hindi ako papayagan ng mga madre sa Don Bosco Sta.Mesa na pumasok pag may mahabang buhok.

haircut

 

Fact: Co-ed ang Don Bosco Sta.Mesa hanggang grade4. All girls na siya pag sa higher level.

Takot kasi ako sa gunting lalo na pag dumidikit sa tenga. Pag naramdaman ng tenga ko ang maginaw na gunting, feeling ko mapuputol ang tenga ko at hindi na ako makakarinig.

Takot din ako sa maingay na electric razor. Kung gaano kalamig ang bakal na gunting, ganun naman kainit ang electric razor. Nakakabingi pa ito. Pag nadidikit sa balat ko yun razor, feeling ko kinukuryente din ako.

Pero ang pinaka-ayaw ko sa lahat e yung aasarin ako ng Tito Sundalo ko na “Pugo”. Parati niya akong sinasabihan na “mukhang Pugo” pagkatapos ko magpagupit. E hindi naman ako kalbo. Hindi naman ako mukhang itlog ng pugo.

Hate ko talaga ang pagpapagupit noon.

Pero ngayon hindi na. Iku-kwento ko next time kung bakit.

Tuwing Wednesday, magb-blog ako tungkol sa naaalala ko sa aking kabataan. Ito ang aking “Project:  Memory Miyerkules” .

Layunin nitong maisulat paunti unti ang aking talambuhay.

 

Pepi sa BloggersFest

First time ko mag talk sa harap ng maraming tao. Dati kasi, mga isang classroom lang ang kinakausap ko at the most.

Pepi de Leon

Nung BloggersFest na ginanap sa Thunderbird Resorts sa Rizal, hanggang 200 ang attendees. E umuwi na ng maaga ang karamihan, kaya mga 150 na lang din ang audience ko. Marami pa rin yun. Nagsalita ako tungkol sa topic na Domain and DNS Management.

Nasa akin ang attention nila sa loob ng fifteen minutes. Yun lang ang alotted timeframe sa akin e. Pero simple lang din naman ang idi-discus ko kaya sisiw lang ito.

Hindi ko talaga alam pero nawala ang kaba ko nun pag-akyat ko sa stage. Ni-request ko kasi na ipatugtog ang Entrance Song ni EDGE ng WWE pag pasok ko e. Nakakawala talaga ng pressure yun.

Nang matapos nga yung talk ko, tinatanong pa ako ng mga bloggers, “kabado ka pa sa lagay na yan?” Hindi lang nila alam na buong araw kong sina-psyche ang sarili ko para hindi kabahan.

Sa mga nakarinig ng talk ko, sana may natutunan kayo kahit papaano. Kahit maiksi ang oras na nagsalita ako, sana tumatak sa isip ninyo yung mga pinagsasabi ko.

Yung makakapag-bigay nga pala ng definition ko ng Domain Name sa comments section ay ililibre ko ng ice cream sa susunod na pagkikita.

Salamat ke Jeman para sa photo. At salamat ke Emotero sa pagpapa-autograph. Ikaw pala yun!

Kabado para sa BloggersFest

Aaminin ko na, hindi talaga ako inimbita. Nagprisinta ako! Hahaha!

Bukas na ang BloggersFest na gaganapin sa Thunderbird Resorts sa Rizal. Magkikita-kita ang mga bloggers na galing sa Manila para sa kaunting sharing of knowledge tungkol sa blogging at sa internet.

At magto-talk ako tungkol sa Domain and DNS Management.

Woot?!

Sa mga kasama ko sa trabaho, sure ako na alam nila na karapat-dapat ako sa topic na ito. Ako nga ang takbuhan nila kapag may issue sila tungkol sa WordPress. Internet Genius to mga Tsong!

Pero sa totoo lang, kinakabahan ako. Unang beses ko magsasalita sa harap ng maraming tao na hindi ko naman talaga kakilala. Well, nagagawa ko na siya nung college days pero medyo matagal na yun. Wala na kong practice.

At sure ako na mas matatalino kesa sa akin ang karamihan sa mga magiging audience ko. Baka magmukha akong katawa-tawa. Isip bata pa naman ako (may nakapagsabi lang sa akin).

Pero I will come prepared (somewhat). Basta ilalabas ko kung anong mayroon ako. Sasabihin ko ang lahat ng bagay na makakatulong sa bloggers community. Pero syempre, confidential information remains confidential.

Sa mga pupunta, kita-kits po tayo bukas ha.

*Dress to impress nga pala dahil may workshop para sa photobloggers. Baka gawin nila akong model.

Facebook links

Napansin ko lang ito ha. Sabihin niyo na lang kung napansin niyo rin.

Pag WordPress ang gamit mo, at magpu-push ka ng article sa Facebook wall mo gamit ang LINKS, dapat medyo mahahaba ang paragraph na ginawa mo sa blogpost mo. Dapat din, mauuna ang words kesa sa picture.

Pag hindi mo kasi ginawa yun, hindi nadi-detect ng Facebook ang feeds mo. Wala silang nilalabas na paragraph. Tanging yung link at yung page title lang ang lumalabas.

So dapat mong ulitin yung article, o kaya naman mag produce ng panibagong URL para sa post mo, para lang mag-iba yung feed. Nakakainis yun dahil dapat tapos ka na sa trabaho mo, pero parang uulitin mo na naman.

Just a thought. Hindi ko kasi alam kung saan at paano isa-submit kay Mark Zuckerberg ang nakita kong problema e.