Target and KJah @ Vuclip Event – battle rap review

Astig ang laban na to. Ganito talaga dapat ang talastasan. Ibang level kasi si KJah at sinabayan siya ni Target sa ganitong klase ng battle, at masasabi ko na mahusay ang pagkaka sabay ni Target.

First to spit si Target at usual na Fliptop ang ginamit niya. Nang bumitaw naman si KJah, dinala niya ang battle sa palaliman. Nag-expect si Target ng bitaw na pambebenga na usual sa laban sa Fliptop pero hindi siya nakakuha kahit isa.

Kaya sa round two, bumitaw si Target na naghahamon kung ano ba talaga ang gusto ni KJah na klase ng laban. Syempre, handa si KJah sa pagsagot na pagkampihan at pagtuturo sa ibang tao kung ano ba talaga ang pinaglalaban nila sa Fliptop.

Pero akala ko talaga, sa round three, hindi makakasabay si Target. Mali ako. Napataas pa nga ako ng kamay nun na parang si Robin Padilla. Ang huling verse naman ni KJah ay pagpapatunay na hindi nagkamali ang Vuclip na imbitahan ang Fliptop na mag-endorso ng kanilang produkto.

Anlupit ng battle na yun. Palaliman talaga. Oo, mas malalim si KJah pero bilib pa rin ako kay Target dahil nasabayan niya ang gustong klase ng battle ni KJah.

Hindi ko alam kung ano ang Vuclip at kung binayaran nila ang Fliptop para mag-perform sa event na yun. Pero isa lang ang nasisiguro ko, hindi sila nagkamali sa pagkuha ng mga battle emcees na mag endorse ng products. Magaling si KJah sa palaliman na parang technology na ini-introduce ng Vuclip. Mahusay din si Target na parang flexibility ng product na kung ano meron ang Vuclip.

Ibang level na ang Fliptop. Product endorsers na!

Leave a Reply

Your email address will not be published. Required fields are marked *