Daily Archives: 2011-11-23

Memory Miyerkules Rootbeer

Alam niyo ba kung paano ginagawa ang rootbeer? Hindi ako sure a pero naka-imbento ata kami ng paraan dati.

Rootbeer

root beer was invented by Hires in May 20, 1866

Parating may stock ng Coke Litro dito sa bahay noong marami pang tao na naninirahan dito. Kapag merienda, bibili lang ng ensaymada at kababayan, at sasabayan ng Coke, ayus na.

Parati rin may gatas sa umaga. May isang basong gatas ka na timplado na kapag dumating ka para sa almusal. Hindi ko alam kung sino ang nagtitimpla pero yung Mickey Mouse na baso ko ang parati nilang trip pagtimplahan ng gatas. Malaki yung baso na yun kaya napipilitan akong uminom ng higit sa isang tasa ng gatas araw-araw.

Sa totoo lang, tamad akong mag-almusal. Minsan ngang nalimutan ko ubusin ang gatas ko at umabot na yun hanggang merienda.

After ng isang bite ng ensaymada, sumilip ako sa baso. Kulay puti ang ilalim ng Mickey Mouse na baso ko kaya pag sinilip mo, parang walang laman kahit may kalahati pang gatas doon.

mickey mouse glass

mickey mouse glass

Dalawang kagat, ansarap ng ensaymada. May mantikilya at asukal sa ibabaw. Spiral ang design ng ensaymada ng Kabayan Bakery.

Medyo kalahati pa ang ensaymada ng pinilit ko itong gawing bite size. Sinubo kong lahat dahil matapang ako. Ang ensaymada na ganito kasarap ay hindi dapat lalagpas ng tatlong kagat bago maubos.

Ano ba sa english ang nabulunan? Dahil nabulunan ako sa ensaymada at gusto ko ng Coke.

Mabilis na tinagayan ng Coke ang aking Mickey Mouse na baso. Mabilis itong napuno dahil may laman na nga itong gatas. Wala akong paki-alam basta kailangan ko ng panulak. Diretso shot ng Coke.

Coke na may Gatas.

Iba ang lasa niya. Kung ice cream ito, dapat coke float. Pero gatas lang e, kaya rootbeer lang.

Kaso, patented na pala ang rootbeer kaya tatawagin ko na lang na “Mickey Mouse Surprise Beverage” ang aking rootbeer.

Wikipedia Will Be Gone

Narinig niyo na ba ang news? Mawawala na daw ang Wikipedia.

Nang minsan akong maka-bisita sa Wikipedia website , nakita ko sa banner nila na may big announcement daw si Jimmy Wales, ang founder ng Wikipedia.

Jimmy Wales

Curious ako kaya napa-click ako sa link.

Eto ang first line ng kanyang announcement:

Google might have close to a million servers. Yahoo has something like 13,000 staff. We have 679 servers and 95 staff.

To make the story short, kailangan nila ng pondo para ipagpatuloy ang ad-free page na labs na labs ng lahat, lalung lalo na yung mga mahihilig sa quick research.

Ayoko mawala ang Wikipedia kaya parang awa niyo na, mag-donate na rin kayo kahit piso.

Gagawa pa nga pala ako ng Wikipedia page ko. Para naman pag may gumawa ng biography ko, madadalian siya sa pagri-research.