Monthly Archives: December 2011

I Pledge To Speak Up This 2012

Uunahin ko na to. Bago ako mag-bigay ng review ng 2011, bibigyan ko muna ng pansin kung ano ang plano ko sa susunod na taon. Magiging mas maingay ako.

Hindi lang sa blog kundi sa araw-araw na buhay.

Kapag may gusto ako, sasabihin ko. Pag may naisip ako na idea, ishi-share ko kaagad. Kapag may suggestion ako, magsi-send kaagad ako ng memo sa nakakataas para malaman nila na may maganda akong naisip. Magiging mas bibo ako.

Kung naging ganito lang ang aking attitude this 2011, nakumpleto ko siguro ang aking TO DO LIST. Sa totoo lang, ayoko balikan ang TO DO LIST 2011 ko dahil sure ako, wala pa sa 1/4 ang na-accomplish ko.

Actually, ganito na ang ginagawa ng karamihan sa atin. Kapag may nangyari, report kaagad sa Twitter o sa Facebook. Nauuna ko pa nga malaman sa Twitter na lumindol kesa mag-announce ang Phivolcs at Pagasa. Yung traffic nga sa EDSA, sa Twitter account ng MMDA ako umaasa at hindi sa TV o radio. Mabilis ang tsismis lalo na kung Pinoy ka.

Mali ba ang Speak Up?

Kadalasan sa mali natin nagagamit ang kakayahan ng teknolohiya na ito. Marami tayong pinapahiya na tao at nasisirang pangalan dahil mas mabilis pa kumalat ang kasinungalingan kesa sa katotohanan.

Isang example na tong si Chris Lao. Nasira kaagad ang pangalan niya dahil kung anu-anong masasamang salita na lang ang binigay natin nang makita natin ang video niya. Hindi natin inintindi ang sitwasyon niya. Mainit nga lang siguro ang ulo ng tao.

Meron pa, si Atty. Midas Marquez, nasabihan kagad na bading dahil sa reaksyon niya nun nahulog ang mikropono. Wala pang isang segundo ang reaksyon niya na yun pero hindi na inintindi ng tao ang tunay na issue at pinagkatuwaan na lang ang reaksyon niya.

Eto pa ang malupit. Sure ako na marami sa atin ang Pro-RH Bill at gustung gusto na itong maipasa. Kaso nga lang, hindi tayo nagri-react dahil ayaw natin kalabanin ang simbahan. Takot din ata ako sa excommunication. Kung ako ang tatanungin, ok sa akin ang RH Bill. Ang kaalaman ay dapat ipinamamahagi. Kung mas marunong ang tao, mas uunlad ito.

pass the RH Bill

Sa totoo lang, ngayon lang ako nagsabi sa blog ko na Pro-RH Bill ako.

Ano ba ang ginawa ko nung 2011?

WALA. Wala akong ginawa sa buong taon na 2011. Kapag may issue, hindi ko pinakikialaman. Kahit na sure ako na malakas ang traffic nito sa website ko, hindi ko pa rin sinusulat.

Siguro dahil manhid ako; apathetic, sabi nga nila. Wala akong pakialam sa lipunan lalo na kapag hindi ako nasasagasaan. Kapag hindi ako directly na maaapektuhan, pinababayaan ko na lang ang iba na. Hindi ako nagkukusa.

Mas malala pa pala yun kesa sa sumang-ayon ka sa mali.

Mas masama na hindi ka kumuha ng side. Hindi maganda kung mananatili ka na neutral sa mga usapin. Kung hindi ka pa decided, mas maigi na aralan mo ng mabuti ang issue para makapagbigay ka kaagad ng opinyon mo sa lalong madaling panahon. Hindi ka dapat takot sa kritisismo. Ini-encourage mo dapat ang mga batikos para maituwid ang mga mali mong paniniwala.

Ang misyon sa 2012

Simple lang ang misyon sa 2012.  I need to speak up about what I have in mind. Hindi dapat kinikimkim ang impormasyon at karunungan. Hindi yan habambuhay sa utak. Hindi yan magiging totoo pag ikaw lang ang nakakaalam at naniniwala. Kaya lang naman naging Gospel ang buhay ni Hesus dahil apat ang nagsulat tungkol dito.

Dapat lang mas maging Bibo pa ako; Magkusa, Makialam, Makipagbalitaktakan.

Kaya itataas ko ang kamao ko para sa 2012.

Speak Up this 2012

I dare You To Speak Up this 2012

 

 

Ikakasal Na Si Coach Rio

Ikinasal na yung iba kong friends. Nag-commentator pa nga ako dun sa isa e. Yung isa ko pang pinsan, ikakasal sa January. Yung Coach ko sa Southern Treaders na si Running Ade, kinasal na rin. Yung teammate ko na si Kuya Pedro, ikakasal na rin.

Lahat sila kinasal/ikakasal na. Sumabay pa tong si Coach Rio.

Eto pruweba:

Coach Rio Engaged

 

Kung Hindi pa sapat yan, eto pa isang proof:

Tadhana: Coach Rio’s Engagement Proposal Video. from Ian Celis on Vimeo.

 

Sino na kaya kasunod?

Bakit Ka Humihingi Ng Regalo?

Isang mabilis na update lang. Panahon na kasi ng Pasko at sure ako na nakapagbigay o nakatanggap na kayo ng regalo.

Ako nga, may regalong natanggap mula sa isang tao na hindi ko talaga inaasahan na magbibigay sa akin e. Hindi ko hiningi yun a. Kusang binigay sakin yun!

Pero yung mga naghahanap ng regalo mula sa akin, ito ang sagot ko sa inyo:

Merry Christmas

Merry Christmas!

Concept mula sa MgaEpal.com .

Happy Birthday, Bro!

Random Gift From Not So Random People

Nakatanggap ka na ba ng regalo mula sa taong hindi mo inaasahan na magre-regalo pala sayo. Ako, kanina lang.

Lunch ko kanina, the usual… maglalakad patawid ng Ayala Ave papunta sa Salcedo street para sa JollyJeep Trilogy. Ilalabas ko ang aking celphone at ida-dial ang diwata. Makikipag-kwentuhan sandali.

Gift

regalo. super random regalo

Yan ang lunch routine ko lalung lalo na kapag petsa de peligro. Mura lang ang pagkain kasi sa JollyJeep Trilogy. Sa bente pesos, pwede ka na makapaglunch.

Ang parati kong order dun, isang ulam na 35 pesos, isang kanin na 8 pesos. Total is 43 pesos. Pag medyo gusto ko mabusog, sinasamahan ko ng Pepsi. Doon lang may Pepsi. Wala nang Pepsi sa KFC.

Minsan, may isang stick din ng yosi plus bubblegum or kendi.

Pero kanina, sobrang short ako. Ang pera ko sa bulsa, 80 pesos. Kung 43 ang kakainin ko, sakto na lang ang pamasahe ko pauwi.

Umorder ako ng sisig at kanin. Maraming mayonnaise yung sisig. Medyo matamis siya pero sakto lang ang pait at anghang. Marami ang serving dun kaya paborito ko sa kumain sa JollyJeep Trilogy.

Sa sulok ako nakapwesto. May kaunting space sa kanan ko pero hindi na kasya ang isa pang customer. Tubig na lang ang kasya dun.

Ang maganda pa sa JollyJeep, you may choose your own sabaw. Pinili ko ang sabaw ng adobo para ilagay sa kanin ko. Naglasang fried rice naman siya kaya ayos.

Maalat na kanin para sa matamis na sisig. Good combination.

Kinalahati ko ang pagkain ko. Oras na para mag-decide kung oorder ako ng Pepsi o hindi. Isang subo pa. Parang gusto ko talaga ng Pepsi.

Lumapit sa akin si ate na nagpapatakbo ng JollyJeep. Buntis si Ate. Pang-anim na anak na ata niya yung nasa kanin niya. Biglang ngumiti.

“Sir, Merry Christmas po.”

Simple lang ang sinabi niya pero yung inilapag niyang regalo sa bandang kanan ko ang malupit. Naka-gift wrap pa (kahit hindi na ganun kaganda ang pagkakabalot).

Nagulat ako. Hindi ko inaakala na sila pa ang magbibigay sa akin ng regalo.

Ngiti lang ang naisagot ko. Hindi nga ako nakasagot ng “Happy New Year” dahil puno ang bibig ko ng kanin at sisig.

Nawala na sa isip ko ang Pepsi. Nagtubig na lang ako matapos kumain. Hindi na rin ako nagyosi.

Natutuwa ako sa kabaitan nila.