Daily Archives: 2012-07-18

Memory Miyerkules Kupit

Meron akong alkansya dati. Yung bahay na kulay silver. Mabigat yun. Hinuhulugan dapat ng barya yun.

Ang kaso, nang madiskubre ko na pwede pala siya buksan sa ilalim, hindi na ako naghuhulog doon ng barya. Nanay ko na lang. Hindi ko nga alam kung naghuhulog talaga siya, ang alam ko lang, mabigat ang alkansya dahil mahirap yun buhatin.

alkansya

alkansya

At talaga namang napaka-ingay ng mga barya sa loob kapag itataom mo yung alkansya para buksan ang pinto at makuha ang mga barya.

Panahon noon ng malalaking piso. Si Fidel V Ramos ang presidente at trip ng Bangko Sentral na paliitin ang piso. Kaya naman hindi na ako nagdadalawang isip pa sa kada kukupit ako ng barya para bumili ng Fanta. In a few months kasi, magiging obsolete na ang malalaking mamiso at mawawalan na ito ng halaga.

Yan ang parati iniisip, para naman guilt-free ang pangungupit.

Pag bumibili pa ako ng Fanta noon, hindi ako lumalabas ng bahay. Inuutusan ko ang yaya ko na bumili. Hindi naman siya nagtatanong kung saan ako nakakakuha ng pera. Siguro, happy na rin siya makalabas ng bahay. Mabilis naman siya makabalik kaya ayos lang.

Memory Miyerkules ang tawag sa aking proyekto para ibahagi ang kwento ng buhay ko na may kinalaman sa sitwasyon ko ngayon. Bukod sa pagbibigay ng maiksing intro para sa mga susunod na blogpost, layunin din nito na maibahagi ang aking talambuhay.

Dealing With Malware Issues On You WordPress Blog

Matapos ang spike na naganap sa blog ko last week, na-tag naman ako na may malware content about 3 days ago. Bad trip talaga ang mga ganitong eksena. Dahil nga naman ang pinaka-ayaw ko e yung hindi mabasa ng tao ang mga sinusulat ko sa blog.

Wordpress

Syempre, hanap ako ng malware scripts. Sabi sa email sa akin ng Google, URL redirects to malware sites daw ang problema. Simple lang naman yun. ang una mong babanatan, yung .HTACCESS file mo. Tignan mo kung san napupunta yung 404 error customers at tatanggalin mo lang yung script na yun. Tapos, sundan mo lang yung usual steps na change passwords, etc.

And since this is WordPress, you should update all of your Themes and plugins.

Ang kaso, may isa pang email sa akin si Google. Sabi niya, yung isa sa mga subdomains ko na may WordPress blog rin na naka-install, ay may malware din. Nakakabad-trip yun dahil sa ibang directory naman yun naka-point. Ang malupit pa neto, hindi ko sure kung ginagamit pa ng blogger ang blog na yun.

Nevertheless, inupdate ko na rin. Pero hindi na ako nagrequest to review sa blog na yun dahil wala naman yun sa Webmaster Tools ko.

Good thing naman, hindi ako nazi-zero sa aking site visits. Ang lowest ko ay 126 page views, which is OK na rin considering na may malware ang site ko nun. Salamat na marami sa viral blogpost ko.