Daily Archives: 2012-09-05

Memory Miyerkules – Archer

Hindi ko alam kung bakit binilhan ako ng pana ng nanay ko. Ang napapanuod ko kasi, si Yellow Mask ang may gamit ng pana sa Mask Man na palabas sa channel 13. Hindi naman ako babae.

Pero kahit ganun pa rin ang reference, pinaglaruan ko na rin ang bigay niya. Hindi naman kami pinalaki ng mga magulang namin para umangal ng umangal. Kung ano ang nakahain, yun ang kakainin. Kung ano meron, yun ang gagamitin. Kung ano ang ibinigay, yun ang tatanggapin.

Bow and Arrow

Bow and Arrow (picture galing sa racheshop.de)

Palpak din naman ako sa pag-gamit ng pana. Hindi pala ganun kadali yun. Kailangan, marunong ka bumalanse at magaling kang mag-stretch ng lubid. Dapat rin, sakto ang puwitan ng pana sa lubid para pag-release mo, tatalsik ng maayos ang arrow.

Palaso ang Tagalog term ng arrow.

Swank ang gamit namin na arrow, hindi pointed. Hindi na laruan yun pag matulis ang dulo ng pana. Never ko pang napadikit sa dingding ang swank gamit ang pana. Wala pa rin akong nakita na nakagawa nun.

Ngayong malaki na ako, alam ko na swank ang dulo nun para hindi ganun kasakit pag tinamaan ka. Para hindi magtampo sa iyo ang mga laruan mo na robot kapag sila naman ang target mo.

Para mapadali, binabaliktad ko ang pana. Mas madali gamitin ang arrows kapag swank ang gamit mo dahil mas madali yun hawakan. Mas maayos din ang lipad dahil mas pointed ang puwitan at less ang air resistance. Wag ka nang kumontra dahil experience ko to. Gumawa ka ng sariling Memory Miyerkules mo.

Anyway, so ayun nga; kinalaunan, natutunan ko na rin siya laruin. Andami nang gasgas ng mga robot ko dahil parati ko silang nasasapul. Kaya siguro nagtampo sila at ayaw na umilaw pag ino-on ko.

Kung may kapatid lang ako na babae, gasgas na siguro ang mga mukha ng Barbie Doll niya.

Movie Review: The Raid – Redemption

only in SM Cinemas.

Anlupit ng movie na to. Kung action ang hinahanap ninyo, ito ang dapat ninyong panuorin. You may quote me on that.

Sa simula pa lang, akala ko, parang counter strike lang ang movie. 2 squads ang pumasok sa building para hanapin ang drug lord na kamukha ni Kuya Kim. Papatayin nila ang drug lord at bahala na kung may makalabas pa sa kanila.

The Raid Redemption

The Raid Redemption

Ang kaso, may dalawang alagad ang drug lord na ito, parang left and right lang sa isang pyramiding scheme. Sa kanan, ang kapatid ng bida, medyo matangkad at mukhang Pinoy. Sa kaliwa, ang long hair na kamukha naman ni Rene Rekestas.

Hindi madali ang pag-raid sa building. Isa kasing apartment yun na may Shabu factory sa loob at maraming eskinita at taguan ng mga duguang tao sa likod ng dingding. Lahat ng tenant ay kontrolado ng landlord at may halos isang dosenang CCTV camera na nakakalat sa 15 floors.

Halos lahat din ng tenants ay may naka-issue na revolver na may iisang bala. Sapat para pumatay ng isang tao. Pwede mong itutok sa ulo niya pag di ka marunong umasinta.

May scenes din na may hawak na itak ang isang alagad ng drug lord na kamukha ni Lebron James. Nagulat nga ako e, akala ko si Lebron talaga. Nanlalaki ang mga mata ni Lebron pag siya ay bad mood.

Maganda ang pagiging natural ng movie. Yung cinematics at camera angles at maganda. Kaakit-akit rin ang natural na bihis ng mga drug lord, hindi kagaya sa Pinas na ang drug loard ay marunong magsuot ng Amerikana. Yung pagkama-alikabok din ng building ay ayos din dahil wala naman din silang pambayad sa katulong na oras-oras na magwawalis.

The Raid Redemption. The best choreography in hand to hand combat.

English-dubbed ang movie. Nung una nga, sabi ko sa sarili ko, parang mas gusto ko kung subtitled. Pero nung makita ko ang mga fight scenes na ginamitan ng Pencak Silat, natuwa ako na English-dubbed ang movie. Parang korni kasi na makakita ka pa ng hrrug at hyaaaa sa subtitles.

At malilito ka lang sa pagbabasa kung subtitled ang movie. Hindi mo rin maa-appreciate ang pinakamagandang choreographed hand to hand combat. It’s more like it!

The Raid Redemption. R-16. NOW SHOWING!