Blog header, yan ang unang-una na makikita sa blog mo. Dapat, dyan pa lang, alam na ng reader mo kung saan patungkol ang blog mo. Wag kang maglalagay ng tao na nakahubad dyan kung tungkol sa pagdarasal ang blog mo, unless na lang kung ang taong nakahubad ay nakapako sa krus.
Ito ang una kong blog header; ginawa ni Tim nun minsan na kinulit ko siya sa trabaho. Isa siyang magaling na design artist. Binigyan ko lang siya ng isang folder ng pictures and within 30 minutes, na-cut na niya ang mga kailangan niya at ginawa na niya ang header na may specifications na 1000 x 300 pixels.
May picture na cropped sa Baguio, may image nun sakristan pa ako sa LaSalle, may family prusisyon, may pseudo-passport, jeepney, Boracay na background, Tagaytay statue na inakyatan, binilog na bandila ng Pilipinas, mapa ng bansa na kulay green at MANILA map na nasa likuran.
Astig si Tim Dia, kung mako-kontak ko lang ulit siya, magpapagawa ako ng isa pang header. Ang kaso, sa bago kong blog theme, hindi ko alam kung makakapaglagay pa rin ako ng magandang header.
Sana makakita ako.
Eto ang itsura ng header ng blog ko, niliitan ko lang.:
JP Banner
Hanggang sa susunod mga kapatid.
