Category Archives: Definition

trying to define L-O-V-E and everything in between

Animal Rankings according to KULIT.

Yung pinsan ng kaopisina ko, magdadalawang taon na in a few weeks. Ang latest na skill niya ay mag-mimic ng sounds ng hayop. Hindi ko sure kung nakarating na siya sa zoo o tinuturuan lang siya ng mga kapatid niya. Ang problema lang daw, masyadong matipid sumagot. “Aw” lang daw ang sabi ng dog, hindi “Aw aw”. “Ngiyaw” lang daw ang sabi ng cat, at hindi “meow meow”.

Napaisip tuloy ako.

San ba nakadepende ang mga tunog ng hayop? Paano sila mara-rank? Nasa haba ba ng nguso o sa dami ng paa?

Subukan natin i-describe ang mga hayop base sa kanilang mga tunog.

Animals playing music.

Pinakamagaling na salesman ang BAKA.
Sa haba ng kanilang MOOOOOO, magiging ka-kumpitensiya sila ng magbabalot. Malupit at malakas yun. Minsan, walang ibon sa palayan dahil naiingayan sila sa tunog ng baka. O baka naman hindi nila gusto bumili ng balot. At any rate, baka ang pinakamagaling magbenta. As a matter of fact, may chocolate drink na ang pangalan ay Moo.

Pinakamalambing ang PUSA.
Mga pussy talaga, mapapaakit ka. Kaya nga nahahalintulad ang tunog ng pusa sa iyak ng bata. Naging theatrical play / musical pa nga ang Cats dahil nakakaakit ang pag Meow ng mga pusa. Minsan, may kasama pang pagkiskis ng balahibo sa binti ang mga pusa kasabay ng pag-ngiyaw nila.

Pinakanakaaasar ang KAMBING.
Nang-aasar talaga sila. Parang sinsabi nila na, buti nga sayo, yan ang napala mo, malandi ka kasi. O kaya naman, pinaparating nila sayo na – korni ang joke mo at wala kang kwentang blogger. Meeeeh. Mediocre ka lang. There is nothing special about you. Sabayan pa ng curly eyelash at mahabang balbas, nakakaasar talagang tunay ang mga kambing.

Mayabang ang MANOK.
Hindi ka makakarinig ng tilaok na mahina. Parati yang malakas, pasigaw, at nanggigising sa madaling araw. “Tiktilaok!”

Makulit ang ASO.
Hindi ka makakarinig ng aso na kung tumahol ay isa lang. “Aw” ay kadalasang may kasunod na “Grrrr”, bago ang kasunod na “Aw, aw!” Parati pang nakatapat sa tinatahulang nila ang nguso nila. Hindi sila tumatahol na nakatagilid ang mukha sayo. May kasamang eye contact at amuy-amoy ang lahat ng “Aw aw” ng mga aso.

Pinakamakulit ang IBON.
Kung nakukulitan ka na sa “Aw aw”, mas makukulitan ka sa “Twit twit twit twit”. Kasabay ng hampas ng pakpak nila ang pagbigkas nila ng twit twit. Hindi ka makakarinig ng isang twit. Parati yang may multiplier at exponential. I dare you, bilangin ang twit twit ng ibong pipit.

Ayaw ng AHAS ng maingay.
Sabi niya.. “Ssssssss.”

Lyrics ng Hayop na Combo by Yoyoy Villame.

Yan, may listahan na ako. Ituturo ko na to ke Sydney. Abangan niyo kami sa tiktok.

Babay.

Kwentuhang Toothpaste With @SydneySanggol and Gumtect. #ProtectWithGumtect #AMouthfullAdventure






Hello Champs,

10 months ago, kinukuwentuhan ko ang unborn daughter ko tungkol sa mga toothpaste. Ugali ko nang magkwento sa kanya ng kung anu-anong mga bagay. Sabi kasi sa mga nabasa ko, nakakatalino daw sa mga babies yung ganun.

I was talking to her about brushing her teeth kahit na alam kong hindi pa makukumpleto ang mga ngipin niya until she is seven years old. I was telling her the different brands available on the market. I advised her to use Gumtect kahit hindi ko alam kung sino ang manufacturers ng Gumtect.

I first came across the toothpaste brand after ko magpa oral prophylaxis nung wala na akong braces. ALam mo naman, pag nagpa-braces ka, gagalaw ang buong bibig mo at maiiba alignment ng mga ngipin mo. To support my arranged set of dental whites, dapat – healthy din ang gums; at hindi pwede ang puchu-puchung toothpaste. Hindi pwede yung mga mababango lang sa hininga. Dapat, yung may special formulation para maalagaan at matulungan mag regenerate ang gums na susuporta sa ngipin.

Dun ko nakita ang Gumtect.

Uy Gumtect!

Uy Gumtect!

Sa mga ayaw mahirapan sa pag-Google, Oral Prophylaxis simply means paglinis ng ngipin with your dentist. Libre yun sa health card mo twice a year.

Last week, I was lucky enough to join a food crawl sa Maginhawa para masubukan ang iba’t ibang lasa at sensation sa bibig. Hindi ito first time para sa atin. Araw-araw tayong nakaka-experience ng mainit na sabaw, malamig na dessert, at matitigas na pagkain. Hindi rin nawawala sa atin ang matatamis.

Lahat nang yun – nakaaapekto sa kundisyon ng ating bibig.

And of course kailangan natin ng partners na malupit para alagaan ang ating gilagid.

Hindi na ako magpapaikot-ikot sa kwento dahil nasabi ko na ang gusto ko sabihin. Enjoy the pictures and videos na lang, dear champions.

Malamig na Dessert

Malamig na Dessert

matamis na cake

matamis na cake

matigas na karne

matigas na karne

Cold Ice

Cold Ice

Kramer Video Bomb

Kramer Video Bomb

mainit na sabaw

mainit na sabaw

Oo nga pala, may commercial sino Doug at Cheska ng Team Kramer. Pagtawanan natin yung mga pasigaw-sigaw nila.

 

with Gumshield Plus.

Kita kits sa next adventure!

Ang Minimum Distance Ng Long Distance Relationship

“6 Days lang wala si Soprano One, LDR na kagad?” , yan ang bigkas nung isa kong officemate, nang minsang inistorbo niya ako sa trabaho. Nakita ata niya yung blogpost ko nung isang araw.

Well, tama nga naman siya, hindi nga inabot ng isang linggo ang pagpunta ni Soprano One sa Singapore, kung maka-LDR nga naman daw ako.

“E bakit yung isa kong friend na taga San Pedro, yung jowa niya taga Novaliches. Sabi niya, LDR na daw yun.” Hindi ako nagpatalo. “Ayun, nagbreak na tuloy sila.”

So ano nga ba ang sukatan ng LDR?
Meron bang minimum na number of days bago masabi na LDR nga kayo?
May minimum distance nga ba?

Napag-usapan tuloy namin ng kuya niyo Tonio ang tungkol dito. Konting usap lang naman. Marami kasi masyadong trabaho sa office, kahit kwentuhan, hindi namin magawa. (Binabati ko sa blog na to ang Team Leader namin na si Cheers. Hello boss. Salamat sa keychain.)

Napag-usapan namin ni Tonio na pwedeng 30 meters lang ang pagitan ng mga katawan ninyo, pero considered LDR na kayo. Pwedeng isang oras lang ang pagitan ng mga text messages ninyo, pero considered LDR na kayo. Pwedeng isang maghapon lang kayo hindi nag-usap, considered LDR na kayo.

Dahil ang LDR ay hindi sinusukat ng oras, o ng distance or location.

Oo, hindi.

E pano to sinusukat?

Baka naman sa kalandian nasusukat yan…

Nakagawa kami ng simple na graph. Hindi ko alam kung mage-gets ninyo.

LDR at Landi

LDR at Landi

Ang minimum distance ng LDR versus kaLANDIan ng jowa mo.

Ang minimum distance ng LDR versus kaLANDIan ng jowa mo.

Sabi sa figure na ito, ang minimum distance ng LDR ay inversely proportional sa kalandian ng jowa mo. Kung mas malaki ang diameter ng pantal ng kakatihan ng jowa mo, mas maliit ang minimum distance ng LDR. Kung wala naman ibang nilalandi ang jowa mo kundi ikaw lang, ang minimum distance ng LDR ay nasa kabilang globo na – tagos pa.

Pwede kang ngumiti at tumawa. Hindi seryoso yang figure na yan e. Gawa-gawa lang namin yan.

Pero aminin mo, napaisip ka. Napa-“oo nga ano?” ka.

Mabalik tayo sa seryosong sagot. Ang LDR ay nasusukat ng ano ba?

Hindi ko rin sure ang sagot.

Basta ang alam ko, ang pusong magkadikit, kahit ano pang distansya ng jowa mo, walang eldi-LDR dyan.

walang LDR sa pusong magkadikit

walang LDR sa pusong magkadikit

 

Tama naman di ba?

 

Masakit Sa Kalooban ang LDR

I have never experienced Long Distance Relationship, o yung tinatawag nila na LDR. Hindi pa ako nag jowa ng taga-Slovenia. Hindi ako nagka girlfriend na OFW. Wala akong balak makipagrelasyon sa taga-QC. Hindi ko rin pinangarap mag work sa kabilang barangay.

Six days wala si Soprano One. Nagpunta siya ng Singapore para mag solo parts sa competition. May kantahan festival ng mga chorale dun. May pa-Chamber, pa-ensemble, at pa-Grand Prix. Hindi ko sure ang detalye, ang alam ko lang, maganda boses ng mama mo, at dinala siya ng boses niya sa ibang country.

Six days tuloy akong walang kakwentuhan sa umaga. This is the closest thing that I would have para sa LDR.

Hatid ke Soprano One sa airport.

Hatid ke Soprano One sa airport.

Buti na lang mabilis ang internet sa Singapore. Buti na lang din, friend ko si Soprano One sa FB. Buti na lang naimbento na ang video call. Buti na lang din at may Sky Cable Internet na may 8mbps sa Sta. Mesa. For just 1599 a month, you can experience fast and reliable internet, bundled with your favorite Cable TV channels brought by state of the art Sky Cable modem and Digibox.

Ang hirap pala ng LDR.

Di ka makatawag at the middle of your lunch or during your breaks para magsabj ng I miss you at ng I love you.

Di ka makapunta sa dorm niya, para sunduin siya for breakfast, bago niya simulan ang araw niya sa work.

Di ka makanakaw ng halik, at makasayaw sa pagtawid ng kalsada dahil walang ngingiti at kikiligin sa ginagawa mo. Nukha ka pang tanga.

Di ka maka-experience ng sampal, kurot, hampas, at suntok na may kasamang haplos ng pagmamahal.

Paano kaya nakatatagal ng ganito yung mga tita natin na ang mga partner sa buhay e nasa ibang bansa.

Basta ako, di ko gugustuhin to.

Kumusta nga pala ke KnP#8 ArdeePineda. Nasa Canada siya currently. Ine-enjoy ang Canada weather.