Tag Archives: arnel

Book Review: Angels and Jejemons

RECOMMENDED ang libro na ito ng aking indirect Supervisor na si Belinda Perez. Paalis na ako ng opisina nun. Kasabay ng pagpasok ni Ms Bel, nakita kong nilabas niya mula sa kanyang magic bayong ang librong ito. Kilala daw niya personally ang author. Tom daw ang nickname ni Arnel Aquitania.

Na curious naman ako.

Sa kapal ng mukha ko, kinuha ko kagad ang libro. Matapos ko basahin ang backpage, nagpaalam ako kay Sup Bel na hihiramin ko ang libro for the Holiday weekend.

Walang siyang nagawa. Kinuha ko na ang libro e.

Pagtuntong ko sa bahay, nagresearch ako tungkol sa author. Wala akong nakita bukod sa Twitter account niya. Akala ko nga pen name lang niya ang Arnel Aquitania e. Wala kasi siyang wikipedia page. Katulad siya ni Manix Abrera na malamang kamag-anak at facebook friends lang ang nakakikilala.

Ang librong ito ang kasa-kasama ko sa sementeryo.

Sa malayo, mukha akong geek na nagbabasa ng libro ni Dan Brown sa gitna ng mga nitso. Pero pag nilapitan mo ako, mapapansin mo na paminsan-minsan e tumatawa ako na parang baliw. Actually, minsan ko lang ma-gets a ng comparisons niya. Medyo out of genre kasi yung ibang names na sinasabi niya e.

click the image to view facebook page

Inuulit ko, nage-gets ko naman kahit papaano.

Basta ito ang pinakatumatak sa isip ko nang matapos ko ang libro:

Si Jake Cuenca ang Kevin Garnett ng Philippine TV. Intense kung intense.

Marami pa siyang compare and contrast lines. Ganun din ako mag-isip e. Maraming simbolismo. Although mababaw na underlying facts ang ginagamit ng author, obvious ang reason ng comparison.

Maire-recommend ko lang ang librong ito sa mga tao na nasa late 20s at early 40s na mahilig sa pop culture buong buhay nila. Mas maiintindihan nila ang nakasulat kesa sa akin.

Nang binalik ko kay Sup Bel ang libro, sinabi niya na hindi rin daw niya gets lahat ng nakasulat. (Ganun din ang feeling ko nang binasa ko ang Angels and Demons ni Dan Brown). Dagdag pa ni Ms Bel na pag kasama nila itong si Tom, ganun din daw siya magsalita.

Yung ang motto ko sa pagsusulat a. You should write in your vernacular. Kung pano ka mag-isip, ganun ka din dapat magsulat.

Pineda, Pacquiao at ang Rosaryo

Sabi ng iba, mas pang knockout pa raw ang pagkanta ni Arnel Pineda ng “Lupang Hinirang” kesa sa mga suntok ni Pacquiao ke Clottey.

Pero dahil nga sobrang konserbatibo ng mga Pilipino (na hindi ko naman maintindihan kung bakit), binabatikos na naman ang pagkanta ng lupang hinirang. sa lahat ng kumakanta ng lupang hinirang – pinagbabawalan silang mag express na kanilang sariling rendition ng awiting ito.

nasan na ang kalayaan?

bakit ganun? ang batas pa natin ang naglilimita sa ating kakayahan.

i don’t feel the freedom.

—————————————–

di bale na, panalo naman si pacquiao. siya pa rin ang WBO Welterweight champion of the world.

Sobrang tigas nung kalaban niya. Malakas talaga si Joshua Clottey. Isang libong suntok sa loob ng isang oras. hindi man lang natinag.

Unforgettable ang laban na to dahil dito ko lang nakita na ginamit ni Pacquiao ang pompyang. Round 3 nun. Kaya siguro hindi perfect ang scores ni Pacquiao dahil binawasan siya ng dalawang judge sa round 3 dahil sa pompyang

Di pala pwede yun sa boxing. Akala ko pwede. FPJ RIP.

Medyo ok na rin ang interview ke Pacquiao sa dulo ng laban. Hindi rin kasi magaling mag english ang kalaban niya kaya medyo nasapawan niya ng onti.

—————————————–

Gaya ng lahat ng mga naging laban ni Pacquiao, nagsusuot siya ng medalyang rosaryo sa kanyang leeg kapag nanalo siya. Parang ngayon, hindi dramatic ang pagsuot niya ng rosaryo.

Pero isipin mo na lang rin; sa dami ng suntok ni Pacquiao, para siyang nagdarasal ng rosaryo. Paulit ulit, walang tigil na suntok. Kahit sabihin pa nila na ulit ulit lang; basta malimit, epektibo.

Gaya ng pagdarasal ng rosaryo, boring para sa marami ang laban. Ok lang, kahit hindi tumumba ang kalaban, panalo pa rin naman.

May mga pagkakataon na nakakasuntok si Clottey, nagiging distraction yun sa mala-rosaryong suntok ni Pacman. Pero ayos lang, tuloy pa rin siya sa suntok. Di bale nang maliit, basta malimit.

Uulitin ko pa ba? Ang rosaryo ay parang suntok ni Pacquiao ke Clottey. Epektibo ang malimit, lalo na pag paulit-ulit.