Tag Archives: block

Millenials Get Hurt Pag Ginawa Mo Sa Kanila Ito

Panahon na ng mga millenials. Makabago na, at kung may kagalit kang millenial, dapat alam mo kung ano ang nakaka-hurt sa kanya.

Na-Hurt ako dun ah

Na-Hurt ako dun ah

Nakikinig ako kagabi ke Papa Jackson at Kuya Chico sa 106.7 kagabi. Para sa hindi nakakaalam, nasa Energy FM na po yung dalawa. Si Papa Jackson yung dating Papa Jack ng Love Radio. Si Kuya Chico naman yung dating Chico Loco ng Yes FM! Kinupkop na sila ng Strata 2000 at ni Mam Becca.

Isa sa mga caller ni Papa Jackson e may problema dun sa jowa niya. LDR daw kasi sila. Alam mo naman sa LDR, precious ang bawat line ng communication; at ang pinakamurang line of communication ay ang Facebook.

Kaya naman ang reklamo nung caller e yung jowa niya na kada na lang mag-aaway sila ay hindi lang siya ina-unfriend, bina-block pa. Dahil nga LDR sila, hindi mapuntahan ni kuya ang kanyang jowa. Kapag ganito, kung anu-ano ang pumapasok sa isip mo dahil feeling mo, nabura na sa mundo mo ang jowa mo. Walang trace ng pictures, walang pasts, walang daily photos. Hindi mo na alam ang likes niya, ang common friends niyo, at kung bakat pa rin ang nipple niya sa kanyang swimsuit attire nung summer of 2014.

Burado na siya sa mundo.

Well, sa mundo mo… Dahil nga, naka-block ka!

Gagawa ka tuloy ng 2nd Facebook account para lang makapag-stalk, malaman mo kung totoo nga o bangungot lang na wala na siya. Mas mahu-hurt ka. Sasaktan mo ang sarili mo. Para sa akin, ito ang modern day laslas.

Hahaba pa to.

Pero ang punto ko dito, di ba na-hurt ka kapag ina-unfriend ka? Mas malalim pa ang sugat pag naka-block ka.

Ganyan saktan ang mga millenials. Yung pinsan ko na walang Facebook, walang paki-alam kung iba-block mo siya. Sa kanya kasi, naka-block na kayong lahat bago mo pa siya ma-block.

Sa susunod na may kaaway ako, hindi ako maglalabas ng kutsilyo na parang nakainom lang sa kanto ng Barangay 360, Sta. Cruz, Manila. Sasabihin ko na lang, “Ia-UNFRIEND KITA SA FACEBOOK!”

Mahu-hurt yun, pramis!

Dahil magiging 4,394 na lang ang Facebook friends niya.

Blogger’s Block

Sure ako na nae-experience mo rin ito. Ito ang counter part ng Writer’s block para sa mga bloggers. Since blogger ako, may karapatan akong mag define kung ano ang ibig sabihin nito. Dahil ito ang nae-experience ko ngayon, ito na lang ang magiging topic ko.

Ang Blogger’s block ay isang pangyayari sa buhay ng blogger kung saan ay hindi siya nakapagsusulat sa kanyang blog kahit na meron siyang oras na gawin ito. Meron akong tatlong klase ng Blogger’s Block na ishe-share sa inyo ngayon: Continue reading