Tag Archives: cbcp

ANO TOH? Bawal Ang Personalized Wedding Vows Sa Kasalan?

Dear CBCP president and Lingayen-Dagupan Archbishop Socrates Villegas,

Nabasa ko po yung article tungkol sa personalized Wedding vows. Hindi ko po alam kung saan ninyo ito sinabi at kung para saan ang balita pero medyo nainis po ako.

Nag-aral po kasi ako sa Dominican College, Sta. Rosa. Elementary days pa lang, pinag-aaralan na namin ang seven sacraments. Madre ang nagturo sa akin. Kung may tumatak man sa isip ko, yun e yung “kung sino ang nago-officiate ng kasal”, Sa pagkakatanda ko po, yung ikakasal ang importanteng elemento.

Sacrament of Matrimony does not happen without a husband and a wife.

Ngayon po, siguro nga, walang provision sa Sacramentary ang personalized vows. Walang lugar. Walang nasusulat. Hindi ko alam kung magbabago ito. Ang sa akin lang sana, wag ipagbawal ang nakasanayan.

Kung trip ng ikakasal na bumigkas ng personalized wedding vows sa gitna ng kasal, kahit sa loob ng Homily, sige payagan natin. Kailangan din yun ng Team 360 Degrees para sa Same Day Edit nila.

 

Mahal ko ang Sacramento. Dapat lang sana, maging flexible tayo. I am sure, yung Jesus na mago-officiate ng kasal, dahil nagkatawang tao siya, mag gugustuhin na kiligin ang lahat ng dumalo, lalo na yung mga ikinakasal, kesa maging boring ang ceremony dahil sa rules ng simbahan.

Hindi pa ako ikinakasal. I don’t think it will happen very soon. Sana lang, pag time na ng pagharap namin sa altar, masabi ko sa harap ng lahat ang laman ng puso ko, hindi yung binabasa lang sa libro.

For Personalized vows,
promking

Gusto ko lang naman ng McDo fries e

Maganda ang commercial ng McDo na BF/GF. Ang hindi ko ma-gets, bakit pa nakialam ang CBCP sa issue at inutusan ang McDo na itigil ang pagpapalabas nito.

Tignan mo muna itong Commercial.

At eto naman ang sabi ng CBCP.

“It’s very shallow … It cheapens human relationships,” said Fr. Melvin Castro, executive secretary of the CBCP Episcopal Commission on Family and Life.

“At a very, very young age, these kids should instead be taught the value of loving their parents, their country, environment and God, not about a relationship not yet appropriate for their age,” Castro said over the Church-run Radio Veritas Monday.

“If the ad attempted to teach commitment, [it failed] because it was too superficial to point to a packet of French fries as the basis of a relationship.”

Eto lang naman ang reaction ko:

Para sa akin, napagandang example ang commercial na ito para sa ating mga Pilipino. Isipin mo ha, bata yun – at 25 pesos ang isang order ng McDo fries. Para sa isang bata, napakalaking bagay na ng 25 pesos.

Nung ako ay mga 8 years old, sampung piso lang ang baon ko sa isang linggo. Masaya na ako nun.

Kung ako yun… 25 pesos? Demanding KA! Napakalaking bagay sa akin ng 25 pesos. Hindi ko basta-basta ibibigay sa iyo to.

Pero ano ang ginawa nung batang lalaki, nagsakripisyo siya. Binitawan niya ang kanyang pera para sa pag-ibig. Binitawan niya ang kakarampot niyang baon para sa gusto niyang makamit.

Sakripisyo, isa sa mga dapat natin gawin sa panahon ng Lent. Dapat handa tayong magsakripisyo ng kaunti para makuha natin ang tunay na kasiyahan.

* * * * *

Ewan ko lang a. Pero sure ako na may mga mas magagaling na mga Pari at Obispo na kayang ikutin ang kwento para maging Homily.

Ang sa akin lang, inuna nilang tignan ang mali sa commercial at hindi ang mga tama.

Sa isang banda, may point din naman ang mga Obispo e. Pero yung kabilang side ng kwento, parang natabunan na kaagad.

Article spinning naman tayo ng konti mga Father!

Kayo ba? Ano sa tingin ninyo?