Tag Archives: Cherry Mobile

Yung Tropa Niyo Na Parang Cherry Mobile S5 Series – Strengths, Weaknesses, at sino ang PATALO

Sa tropa-han, may kanya-kanya tayong strengths and weaknesses. Ambaduy ng tropa ninyo kung lahat kayo magaganda pero walang utak. Weak din ang tropa na puro talent lang, wala namang angas. At sa lahat ng tropa, meron talagang PATALO.

Kahapon, nilabas ng Cherry Mobile brand ang kanilang line up para sa Flare S5 series. Gaya ng iba’t ibang tropahan, may mga strengths yung iba. Syempre, may mga weakness din.

At dito ko sasabihin sa blog na to, kung ano yung patalo sa mga yun.

Una muna, sabihin ko lang; ang Flare S5 ang series na puro Marshmallow ang OS. Tignan natin kung gaano kalambot tong mga to. Ihawin ko kaya tong mga to sa bonfire.

Flare S5 series

Flare S5 series (hinarbat ang pic sa hungrygeeks.ph dahil hindi ako ininvite ng Cherry Mobile sa launch nila)

The Brusko
– Flare S5 Power – Php7,999

Siya yung puro angas. Malaki nga, wala namang laman ang utak. 16GB lang siya. 

Siya ang pang-front ninyo pag may rambol. Kinatatakutan siya ng mga bata. Kung angas at angas lang, siya ang panlaban ko.

Pwede pa nga ata niya saluhin ang mga tropa niya. Ubos na energy nilang lahat, siya nasa kalahati pa lang ang nagagamit. Ang strength niya, yung kanyang 6050mAh Battery.

Wag kang magkakamali na banggain siya.

 

The Joker.
– Flare X 2 – Php7,999

Sus, Pre! Ambilis ng utak neto. Siya ang may 4GB RAM at Adreno GPU. Kung palupitan sa graphics at mga laro, siya ang pinakamagaling sa inyo.

DOTA, League of Legends, Clash Royale – lahat yan full experience pag naka Adreno ka. Kung Smartphone ang pinag-uusapan, siguro paglabas na lang ng FAFI17.

Malupitan din ito sa pang-araw-araw. Protektado sa bends at curves ang kanyang body dahil sa Dragontrail Glass shields. Second BEST na ito ng tropa ninyo.

 

The Beauty
Flare Infinity – Php12,999

Alam mo yung ganda na mapapa-WOW ka, eto yun. Pang Beauty contest ang datingan.

Borderless siya, that means walang limits. Yung PDAF feature niya sa camera, that means kahit sulyap lang, huli mo na ang lupit ng pictures niya. Hindi mo siya mahuhulihan ng palpak na angles. Never siyang magsasabi na, “antaba ko dyan” or “panget ako dyan” kapag may panget na picture na nakuha sa kanya.

 

Cherry Mobile Flare S5 series

Cherry Mobile Flare S5 series. (pic from HungryGeeks.ph)

The Weirdo.
USB Type C + Quick Charge – Flare S5 Plus – Php8,999

Yung mabilis maka-gets ng mga joke dahil sa USB Type C niya, eto yun. May mga jokes na siya lang ang nakaka-gets. Minsan, tumatawa lang siya mag-isa.

Sobrang moody rin ng tropa ninyo na to. May times na sobrang hina na niya dahil exhausted na. After a good 20 minutes ng kanyang QUICK CHARGE, ayan na naman ang kulit niya. Siya yung pabiro niyong sinasabihan ng “Last Mo Na Yan”, dahil ang totoo, hindi mo talaga kuha yung humor niya.

Pero pag naka-meet kayo ng bagong friends, or sa bar, o kapag magtatanong ng direksyon when you are naliligaw na, siya ang pinangfo-front ninyo. Siya kasi ang madaling maka-get to know. Masarap kasama, madaling pakisamahan, walang tapon – yan siya. Importante siya sa tropa.

Honestly pre, eto ang bet ko na phone sa Flare S5 series.

 

The Pampuno
Flare S5 – Php5,699

Relatively, ok naman siya eh. Pwede na. Pwedeng utangan, nakaka-gets naman ng joke. Tumatawa, nanlilibre pag birthday, nag-aambag sa inuman, pero hindi siya yung nagdadala ng usapan.

Marunong dumipensa. Nakaka-chamba naman sa shooting. Ayos lang din sa screen. Kung kulang kayo ng players, ok na siya.

Kung sa ibang tropa mo siya ilalagay, oo, aangat siya. Pero kung sa tropa ninyo, olats… Pampuno lang siya.

 

The PATALO.
Flare 5 – Php5,499

Eto, olats talaga. Siya ang butt of all jokes. Hindi mo lubos maisip kung bakit nandito pa sa tropa ninyo to. Siguro, para lang masabi na meron kayong puso at hindi kayo nag-a-abandona ng kaibigan.

Kumpara sa inyong lahat, siya ang pinaka-Basic. Basic lang talaga ang pagka-Octa Core niya.

Hindi din naman panget yung AMOLED screen niya. Hindi nga lang panlaban.

Siya yung LAST na pipiliin mo kapag nagda-draft kayo ng players sa mga larong kalsada.

 

CM Fusion Bolt Resurrection

Sinabayan ni Girly (pangalan ng aming CM Fusion Bolt) ang passion, death, and resurrection ni Jesus Christ. Hindi ko alam kung bakit, basta ganun ang trip niya.

Noong Friday kasi, sa kalagitnaan ng afternoon, oras na hirap akong bumalik sa pagkakatulog, pinagsasalit-salitan ko ang The Croods, Hotel Story, Candy Crush Saga, at Angry Birds na mga apps ni Girly. Sobrang init ng panahon at sumasabay sa init sa labas ng bahay ang init ng aking CM Fusion Bolt. Ayaw ko naman bitawan dahil nagpapa-antok nga ako.

Cherry Mobile Fusion Bolt

Cherry Mobile Fusion Bolt

May mga chances na pinababayaan ko tumakbo ang app at kusang namamatay ang bolt dahil sa timeout feature nito. After about 30 seconds of inactivity kasi, talagang namamatay siya. Sini-save niya ang energy niya. May pros and cons pala yung ganun.

Ang pinakahuling laro na iniwan ko na tumatakbo e yung The Croods. Weird yung laro na yun. Ayaw niya tumakbo kapag walang internet connection. Kung ako gagawa ng virus, isasabay ko sa ganung klase na app. Sure download ang virus at parating pang monitored dahil may internet connection.

Matapos ang sandaling pagpilit sa pagpikit, na hindi naman ako nagtagumpay, binalikan ko si Girly. Ang kaso, hindi na siya nag-boot pa. Wala namang hard reset button ang CM Fusion Bolt.

Huminga ako ng malalim. Pinigilan kong ihagis sa pader ang tablet ko. Nagtagumpay ako sa Anger Management scheme na yun.

Pagdating ng Sabado, tinawagan ko ang Cherry Mobile support at tinanong kung nasan ang service center nila. Nasa Freedom Plaza daw yun, malapit sa Puregold Shaw Blvd. Wala naman akong oras at duda ako na bukas ang service center ng Sabado de Gloria kaya pinagpasabukas ko na lang.

Makikita nga pala ang number ng Cherry Mobile support sa Website nila. Google niyo na lang.

Dumating ang Linggo, umaasa ako na bubukas pa si Girly kaya pinindot ko ang power button. Kagaya ng isang Apostoles na bumisita sa puntod ni Hesus, umaasa ako na makita ang aking Panginoon.

Hindi nangyari.

Wala akong nakita kundi ang reflection ng mukha ko sa screen protector ng tablet na binayaran namin ng 300 pesos para maikabit.

Binulungan ako ng isang anghel. Promise, may bumulong sa akin. Napakaganda ng boses niya. Para akong nakarinig ng isang kerubin na tumutugtog ng harp.

Dalawang salita lang ang binanggit niya; na agad-agad ko namang sinunod.

“i-charge mo!”

Pagsaksak ko ng unit sa outlet, napangiti ako. Umilaw ang charging signal niya na parang basurahan na napupuno ng green na juice.

Ngayon, nagpapaka-Thomas The Doubter ako. Hindi ko pa binubuksan ang tablet dahil baka hindi pa siya fully charged. Kagaya ni Hesus, parang sinabihan ako ng Tablet na huwag muna siya salingin dahil kailangan pa niya magpakita sa kanyang Ama sa langit.