Tag Archives: experience

Memory Miyerkules Teacher for a Day

Elementary days. Grade 5 ata ako nun. First class sa umaga ay religion at hindi dumating yung madre na teacher namin. Hindi ko alam kung baket.

President ata ako ng klase namin. Hindi ko rin maalala kung naging President ako ng klase noon pero sure ako na tumayo ako sa harap para maging teacher.

Ang gulo ko ba magkwento?

Basta, nandoon ako sa harap ng klase. sa likuran ng teacher’s table, nakabukas ang libro at nagbabasa ng kaunti bago magbigay ng sarili kong explanation.

English ang libro, so sa salitang English ko rin siya babasahin. Pag nagbitaw ako ng explanation, Tagalog ang ginagamit ko.

Hindi ata nagi-gets ng mga kaklase ko na medyo tina-translate ko lang ang binabasa ko para mas madali namin maintindihan. Well, yun naman ata talaga ang role ng teacher, i-translate ang content ng libro at ilagay sa konteksto na maiintindihan ng estudyante. Sounds simple di ba?

Pero hindi pala ganoon kadali. Pag nag dwell ka na sa kinukwento mo, mawawala ka sa flow ng lesson at baka kung saan saan kayo makarating. Kapag hindi ka naman huminto at pinakinggan ang pulso ng klase, baka hindi nila maintindihan ang lesson.

Gumamit pa nga ako ng technique noon e. Pinabasa ko sa kaklase ang isa hanggang dalawang paragraph. Habang binabasa niya, iniisip ko na yung concept at kung paano ito ie-explain. Pag hindi ka nakakuha ng “nod” habang nage-explain ka, hindi ka successful.

*Happy Teacher’s Day sa mga guro. Lalung-lalo na sa EXPERIENCE (the best teacher).

Tuwing Wednesday, magb-blog ako tungkol sa naaalala ko sa aking kabataan. Ito ang aking “Project:  Memory Miyerkules” .

Layunin nitong maisulat paunti unti ang aking talambuhay.

An Open Letter: Calling Everyone to THINK

An Open Letter: Calling Everyone to THINK

by Yahn

Dearest Voter,

Nawa’y sa iyong pagboto ay i-set aside mo muna ang personal biases mo. Bago mo isulat ang ngalan ng iyong kandidato ay nawa’y mapag-isipan mo ng husto ang traits and qualities nya as a leader. Sana hindi ka mabingi sa mga specific nyang pangako na kung hihimayin mo’y wala naman talagang kasiguruhang maisasakatuparan. Dahil kapang nariyan na rin lang siya sa posisyon, magiging objective na rin sya. Hindi na rin nya maisasaalang-ala ang inyong pinagsamahan.

Madalas nating maisip na ang malaking bulk ng responsibilidad at pag-iisip ay nakakasalalay sa isang leader. Ngunit hindi natin namamalayang ang kakarampot na oras na laan ng botante sa pagpili ng kanyang kandidato ay higit na mas mabigat na responsibilidad. Kung anong ikinasaglit ng pagmumuni-muni, ay sya namang sakit sa ulo sa pagwe-weigh down ng choices. Ngunit hindi tayo nararapat ng tumigil sa pag-iisip. Tandaan natin na pananagutan natin ang sinumang mailuluklok sa posisyon, whether we like it or not.

Muli, sa pagboto natin ay paganahin nating maigi ang pagiging kritikal natin. Let us see the bigger picture. Wag tayong padalos-dalos sa gusto nating marinig. Let’s view things in a better perspective. Sukatin ang leader in terms of measurable variables, and not just based on what they now say before us. Words are mere words. Wag tayong paligoy-ligoy sa vague statements. Suriin natin instead kung sinong malawak ang grasp ng kaisipan (experience) at hindi lamang malawak ang pananaw sa iisang concern.

Higit sa lahat, isaalang-ala natin ang grupong ating pinanghahawakan. Ang tanong: sa kandidatong ito ba ay kampante akong nasa mabuting kamay ang aming pangkat? O sa kandidatong ito ay matutugunan nya lamang ang nais ng iilan sa amin? Wag na wag ring kalilimutan ang respetong laging nilalaan para sa leader–kandidato mo man sya o hindi. Handa ka bang igalang sya sa ayaw at sa gusto mo?

Botante… oo, mahirap talagang mag-isip. Sakit sa ulo ang dulot nito. Pero mas mahirap naman magsawalang-kibo. Pero ang importante sa lahat ay ang paninindigan. Tandaan natin ang laging manindigan. Stand up not just for what is right, but for what you believe in. Stick, and always do so, to your principles. When all else fails, ito ang makakapitan mo.

Mag-isip. PLEASE. At manindigan.

Lubos na gumagalang,
Kapwa Botante

“Those who are too smart to engage in politics are punished by being governed by those who are dumber.” – Plato quotes

hinarbat mula sa friend ko sa Tabulas