Tag Archives: Fail

Yoko Na Pagod Na Ko

Kulang ng punctuation, pero ok na rin.

Kahit sino naman, napapagod. Kahit ang pinakamahusay na basketbol player, pinakamagaling na boksingero, pinakamadaldal na komentarista, at pinakapoging blogger, napapagod din. Pagbigyan niyo na.

Yoko Na Pagod Na Ko

Yoko Na Pagod Na Ko

Isa pa, na-delete naman yung tweet after 44 seconds. May pambawi pa na quote after.

Kelan ka ba magkakaron ng karapatan na mapagod? Pwede mo bang sabihin na pagod ka na after mo sumubok ng isang beses? Ano ba gagawin mo pag napagod ka? Sudden stop? Rest? Continue? Insert Coin here?

Kung sa trabaho yan, pag napagod ka, mag-schedule ka ng leave mo. Sa company namin, meron kang 15 na vacation leaves at 15 sick leaves. Kung gusto mo magtrabaho para sa ADP (Philippines) Inc, sabihan mo ko. Sayang ang referral bonus.

Kung sa Lovelife yan, dyan masusukat kung handa ka na. Ang next step mo ang magdedetermine kung talagang ready ka na magmahal. Dahil pag huminto ka, hindi ka pa handa. Pero kung nagpatuloy ka, kahit pagod ka na, kahit masakit, kahit hindi na ganun kasaya ang nadarama mo, go ka pa rin. Dahil nga nagmamahal ka.

Kung sa pagpi-facebook yan. Tigilan mo na. Lumabas ka ng kwarto mo at makipag-kwentuhan sa nanay mo. May gusto siyang sabihin sayo.

Kung sa workout yan, sundin mo lang ang program. Ilang reps pa. Wag ka lang biglang hihinto. Tandaan, may cooldown excercises ka pa.

Pag pagod ka na, pwede ka magsabi ng “Yoko Na Pagod Na Ko”. Walang magja-judge sayo. Dahil yung next move mo ang magdi-define kung anong klaseng tao ka.

Isang rep pa… kaya ko pa to.

LTO Fail

Expiration ng student’s license ko kanina. Gusto ko na maging non-pro o pro ang lisensya ko. kaya nakipagsapalaran ako (habang may dalawang oras na tulog lang) papunta sa LTO office. Alas nuebe na nang makarating ako sa LTO Diliman Licensing Office.

Maraming fixers. hindi sila nauubos. Mataas sila sumingil. Nag window shopping ako ng fixers pero since hindi daw sila nagbibigay ng resibo sa mga transaction mo sa kanila, hindi na ako nagpa fix. Sayang ang pera, wala din naman mapapala.

So, yung usual na procedure na lang ang ginawa ko: drug test, medical, fill up ng form, kuha ng number at mag hintay. Nagpatulong ako sa fixer pero hindi ko siya binayaran. Hindi ako makikipag transaksyon sa hindi nagbibigay ng resibo.

Anak nampucha, 9.40 pa lang tapos na lahat ng form ko. isa-submit ko na lang para masimulan na ang proseso. Kaso, dahil sa hindi malaman na dahilan, nag offline ang computers ng LTO Diliman. Wala silang ma process na submission.

However, meron bukas na window 7 na kumukuha ng bayad windows 6 at 11 na nagti-take ng pictures. Pano kaya nila mapapasok sa computer yun kung offline? Sounds fishy noh? parang nakakagalaw yung mga accounts na may fixers pero yung mga normal na accounts e hindi. Benefit of the doubt na lang yun, wag na natin alamin kung totoo.

Matapos ang dalawang oras, nag-announce na rin sila na walang kasiguraduhan kung maaayos pa ang computers. Yung gusto daw lumipat sa ibang LTO, meron daw sa Kalookan, Tayuman at sa San Juan.

MAY PASOK PA AKO NANG 6pm!!!.

So sumuko na lang ako. Nagpunta na lang ako sa megamall at nakipagkita ki pinkmaldita para maglunch. Inayos niya kasi yung atm niya sa BPI kasama si purplebrat.

Ang mangyayari nito, since hindi na valid ang student license ko, hindi na ako pwede magpa non-pro o pro. Babalik ako sa student license at magaantay ng at least 1 month bago makapagpa non-pro o pro.

Dahil yan sa procrastination. Dapat kasi, matagal ko nang inayos yung lisensya ko na yan.

Di bale, wala din naman akong kotse na minamaneho. Huling driving ko ata e 3-4months ago na.

Hayaan ninyo, isasali ko na lang yan sa New Year’s Resolution ko.