Tag Archives: kotse

Memory Miyerkules Jay Light

Mahilig sa mga sasakyan si Jay Light. Kaso, dahil bata pa siya (mga 6 years old lang ata), puro cut outs sa dyaryo ang kinokolekta niya at hindi mga tunay na kotse.

Ang ginagawa niya sa cut outs, dinidikit niya sa pader ng kwarto niya. Halos mapuno na ng cut outs na kotse ang dingding sa kwarto niya kaya ang iba ay nilalagay niya sa pintuan ng aparador.

Kahit ata sa pintuan ng kwarto niya ay merong nakadikit.

Wala naman magawa ang parents niya na sina Val at Fe.

Anyway, isang araw, nagulat na lang ako at nagdoorbell ang kapitbahay namin na si Jay Light. Niyayaya niya ako na magpunta sa kanila. May ipapakita raw siya sa akin. Hindi ko pa alam ang tungkol sa kanyang car cut outs collection nun.

Mga 9 years old lang din ata ako nun. Lalake, niyayaya ng kapwa lalake na pumunta sa kwarto niya dahil may ipapakita raw?

This is soooo GAY.

Pero napilitan ako dahil sinabihan ako ng yaya niya na sumama na. May ipapakita lang naman daw.

Duda talaga ako sa kasarian mo kid, pero sige na lang. Go na lang ako.

Pagdating sa kanila, kinumusta ako ng parents niya. Hindi ko na pinansin at sumunod na lang ako kay Jay Light diretso sa kwarto. Nagulat ako sa dami ng cut outs na nakadikit sa pader.

May bago palang kotse si Jay Light. Malaki ang picture. Bagong dikit lang din. Pinagmamalaki niya ito sa akin.

Nahimasmasan naman ako at hindi kabadingan ang nakita ko.

Pero dahil boring para sa akin ang mga kotse nun panahon na yun. Tinakbuhan ko siya, mabilis na takbo hanggang makarating ako sa bahay namin. At hindi na ako lumabas ulit.

Nagulat na lang ako ulit nang makita ko si Jay Light na umiiyak. Hagulgol talaga. Bakit ko raw siya iniwan. Hindi ko raw ba nagustuhan yung bago niyang sasakyan.

Patay tayo diyan.

Tuwing Wednesday, magb-blog ako tungkol sa naaalala ko sa aking kabataan. Ito ang aking “Project:  Memory Miyerkules” .

Layunin nitong maisulat paunti unti ang aking talambuhay.

 

PS. Mas nakakagulat na may magandang girlfriend si Jay Light ngayon. May koleksyon pa rin kaya siya ng cut outs ng mga sasakyan?

Hatid

4am ang out ko sa trabaho. May mga kasabay rin ako naga-out. Ang ginagawa ko, niyayaya ko sila na sumabay na sakin. Minsan out of way pero ok lang. Ayoko kasi ng routinary na buhay. Isa pa, ayoko maabangan ng masasamang loob sa kanto.

Naihatid ko na si PA Eds, si FranDrich, si Tito at Mark, Si Glen sa may Buendia, si Paula sa JVictor, si Pepot sa P.Gil at si malditangkerubin sa bahay nila. Sana makapaghatid pa ako ng iba pa. Masaya kasi magdrive pag may kasama.

Pasesnya na lang sila dahil hindi aircon ang sasakyan ko. Maginaw naman sa Pilipinas ngayon e kaya ayos lang. Sa mga maiksing panahon na ito, nakakapagkwentuhan kayo ng mga bagay na labas sa trabaho. Mga bagay na personal. Masaya ako at nakapaglalabas ako ng rants ko sa buhay dahil dito. Kapalit ng gasolina na nawawaldas.

Kaya kapag sabay tayo ng uwi, don’t hesitate ha. Pwede naman ako umikot ng konti e.

Carpool

I just got some information that my College Classmate/seatmate/ka-kopyahan is now a Makati Yuppie. Pareho kami ng oras ng out sa work kaya ano pa ba ang gagawin namin, syempre carpool na to!

He still got my number so he shoot me a message na naghihintay na siya sa tapat ng KFC sa may building main. Pagbaba ko galing sa ramp from the 2nd floor parking, sumakay na siya sa passenger seat.

Kwentuhan to da max.

After about 3 years na hindi kami nagkita, eto kami ngayon, punung puno ng mga pangarap at mga plano sa buhay. Kumustahan kung asan na ang ibang mga kaklase at kwentuhan and updates tungkol sa lovelife ko, niya, at ng iba pa.

Sino na ba ang kinasal na? Sino ba ang may mga anak na? Saan na nagtatrabaho si ganito? Si ganyan? Andami naming mga tanong na hindi lahat masasagot sa loob ng isang oras na paglalakbay.

Nahihiya pa siyang ihatid ko siya sa doorstep nila, pero nag-insist ako dahil sure ako na kapag nagulit pa ito, magshi-share na siya sa gasolina. Para saan pa ba ang carpool kundi lang din doon.

Pero mabilis siyang bumawi. He works for Solar Entertainment now at marami rin silang perks. Nag-share na kagad siya ng blessings niya. Bago siya bumaba sa sasakyan, inabot niya sakin ang tshirt na to:

Hindi na ako nagdalawang isip pa, tinanggap ko ang munting regalo. Hindi ako ang tipong tumatanggi sa grasya.

Basta Medardo Deacosta III, wag mo na isipin ang gasolina sa ngayon, nakabawi ka na kagad e. Mga tatlong hitch pa sa akin bago kita singilin ulit.

Masarap talagang makakita ulit ng kakilala mo. Alam mo kasing may iba silang perspective tungkol sa iyo at marami na rin kayong pinagsamahan.

Driving to work

Apat na araw matapos ko makuha ang aking non-pro na lisensya, sinubukan ko ang galing ko sa paghawak ng manibela.

Kailangan ko magpractice sa pagdi-drive. May lakad kasi kami this weekend; birthday ng isang dating katrabaho. Dadalhin ko ang sasakyan para naman makapunta doon sa bahay nila. Naimbitahan lang tayo, at syempre, to catch up na rin sa mga pangyayari sa buhay buhay.

Nagpaalam ako sa tatay ko kagabi. Ang balak ko sana, isang ikot lang. Ihatid lang ang kuya ko sa trabaho. Sabi ng tatay ko, masyado nang malalim ang gabi. Suggestion niya, dalhin ko na lang ang sasakyan sa pagpasok ko sa work. Nag-agree naman ako. Mas maigi nga iyon. Medyo mas malayo ang destinasyon at ako lang mag-isa ang magmamaneho.

Ako na ang naglabas ng sasakyan sa garahe kanina. Tamaraw FX ang sasakyan namin. Pwede ka pang maglagay ng topload kung kailangan sa mga outing trip. Kakarehistro lang ng tatay ko sa sasakyan at pumasa naman ito sa smoke emission. Chineck ko ang aking lisensya, rehistro, kambyo, manibela, mirrors, bintana, tubig, oil, hangin sa gulong at brakes. Maayos naman ang lahat.

Kahit naiwanan ko sa bahay ang cellphone ko dahil sa excitement. Go pa rin ako.

Nagkamali pa nga ako ng liko. Lumampas na ako sa Buendia at umikot na lang sa may Washington para makabalik. Dapat kasi, sa Bagtikan pa lang, kumaliwa na ako.

Sa likod ako ng building namin pumarada. Hindi pa kasi ako nakakapagpa-register sa Admin namin para makaparada sa 2nd floor nang libre. Mag-aabot na lang ako sa bantay ng Parking Lot mamaya.

Safe akong nakarating sa trabaho. Sana safe din ako makauwi. Madilim mamaya. Kailangan magbukas ng ilaw. Bahala na.

Sana lang hindi ko makalimutan na may dala akong sasakyan paglabas ko sa trabaho. Baka bigla akong magcommute pauwi at makalimutan ang FX.