Tag Archives: laguna

Date Number 5: San Pablo City Coco Fest!

Bago ang lahat, gusto ko lang malaman ng mga readers ko na mahal na mahal ko ang girlfriend ko. Isa sa mga nagustuhan kong ginawa niya ay ang pagadvise sa akin na mag-apply ako bilang TL sa amin. Maraming salamat sa tiwala at suporta. Hindi kita bibiguin, mahal na mahal kita.

*********

Talaga namang nakaka-LSS yung theme song nila. Buti na lang, matagal na yung event at hindi ko na natatandaan yung melody.

Ika-18th Coco Festival sa San Pablo City; yan ang pinuntahan namin noong isang January 13, 2013. Pambawi lang yun dahil sa naundlot na panonood ng UAAP Women’s Volleyball. Tinamaan kasi kami ng katamaran.

Debut ng Cocofest

Debut ng Cocofest

Kaya naman kahit na hindi namin kabisado ang festival na ito, pinuntahan na rin namin. Trip rin kasi namin makita ang efforts ng mga Amante at ni Sol Aragones na ilunsad ng maayos ang festival na ito na walang bahid pulitika. (charot!)

Kagaya ng mga naunang mga date, sisimulan natin ang araw sa pagbibigay pasalamat sa ating Tagapaglikha. Daan muna tayo sa Bay, Laguna. Isa pa, susunduin natin ang BFF/Sister ni Pentells na si Jampacked.

San Agustin Parish - Bay, Laguna

San Agustin Parish – Bay, Laguna

Pentells at Jampacked

Pentells at Jampacked

Festive ang lugar. Kumpleto ng tarpaulin at mga banderitas. Masayahin ang mga taong nanunuod. Ultimo mga street vendors ay napaka-festive ng atmosphere.

Actually, nagfood trip ako ng bahagya.

Ang parada ay punung puno ng kung anu-ano. May mga third sex na nakabihis ng gown na gawa sa by-products ng buko, may mga bata at mga dalagita’t binata na nagri-representa ng kagandahan ng mga tao doon, may street dancing na pa-contest, at syempre may mga float na gawa sa coconut ang theme.

Nang medyo pagod na kami, nagpunta kami sa Sampaloc Lake para mag-relax. Syempre pa, uminom kami ng kaunti.

Salamat nga pala sa San Miguel para sa pag-sponsor ng mga ganitong fiesta.

Hindi na namin tinapos ng buo ang parada. Hindi rin kasi gaanong nakiki-cooperate ang panahon. Medyo hindi rin mabilis at sunod sa schedule ang lahat dahil sa mga aberya.

San Pablo City, Laguna

San Pablo City, Laguna

bukoking and promking

bukoking and promking

festive street vendor

festive street vendor

 

mga San Pablo bulilit

mga San Pablo bulilit

San Pablos own set of beauty queens

San Pablos own set of beauty queens

 

pancit buko at coco jam

pancit buko at coco jam

getting ready

getting ready

college level street dancing

college level street dancing

 

salamat san miguel

salamat san miguel

sampaloc lake one of the seven lakes of san pablo

sampaloc lake one of the seven lakes of san pablo

Marami pang dapat ma-improve ang mga organizers. Siguro, kung hindi sila busy sa pangangampanya, mas magiging maayos ang fiesta.

Isa pa, wala si Coco Martin. Busy daw kasi siya e.

Date Number 4: Nagsagutan Sa Makiling Botanic Gardens

January 4. Date Number 4. Sakto lang di ba?

Alin ba ang mauuna, ang hiking natin o maging tayo?

Yan naman ang sinasabi ko e, yan ang question ko sa kanya nung medyo nagkakamabutihan na kami noong date number 3 namin. Uulitin ko lang, boring yung date number 3 dahil isang bus ride lang yun na puro personals ang pinag-usapan namin kaya hindi na pwedeng ilabas sa blog na ito.

Pero sa date number 3 ko nalaman kung saan dapat bumaba na kanto pag sumakay ako ng Green Liner na bus mula Buendia papuntang Sta.Cruz.

Maaga pa lang, isang araw na naka leave ako sa opisina para tapatan ang restday ni @penTells, sumakay na ako ng Green Star  na bus. Wala pang isandaan ang pamasahe. Sulit na sulit na yun dahil sa kung ano man ang nangyari noong araw na yun.

Bumaba ako sa Andok’s, yan ang aking landmark. Isang kanto lang yun papunta sa sakayan papasok sa UPLB. Inantay ko si @penTells na siya namang dumating within 15 minutes of me waiting sa tapat ng kalsada. Medyo umaambon, buti na lang dala ko ang payong na binili pa ng nanay ko sa Kamay ni Hesus sa Quezon.

Pagdating niya, naki-CR kami sa kalapit na Jollibee bago lumipat ng restaurant at kumain ng famous siomai sa labas ng UPLB. Sikat daw yun dahil sa 17 pesos na kabusugan; presyong ISKOLAR NG BAYAN!

Menu sa Pader

Menu sa Pader

siu mai for breakfast

siu mai for breakfast

may galit na sophomore sa likod

may galit na sophomore sa likod

Matapos ang panandaliang almusal, nilakad na namin papuntang UPLB. Hindi kumpleto ang date namin pag hindi kami dumadaan sa mga lokal na simbahan.

Bilang pasasalamat sa biyaya ng pang-araw-araw at sa kabaitan Niyang pinagtagpo kami sa isa’t isa, lumuluhod ako sa isa sa mga church pews at kumukuha na rin ng litrato. Walang hanggang pasasalamat ang sinasambit ko dahil ang pag-ibig na akala ko na sa libro lang makikita ay pwede rin palang makamit sa totoong buhay.

church sa elbi

church sa elbi

st therese of child jesus

st therese of child jesus

Kaunting tambling lang, halos nalibot na rin namin ang spots sa UPLB na talaga namang dapat na ina-appreciate.

Kung natuloy lang siguro ako na mag-enrol sa campus na ito, naging iba siguro ang istorya ng buhay ko. Siguro, frat boy na ako ngayon at malayo ang mga ideals ko ngayon.

alamat ng makiling

alamat ng makiling

Minsan daw, nasa balakang ng statue yung banga. Minsan naman, nasa ulo. Nung bumisita kami, hawak niya yung banga sa kanang kamay niya.

belen sa uplb

belen sa uplb

 

UPLB Oblation

UPLB Oblation

pa-virgin pa raw

pa-virgin pa raw

At ang naging pakay namin talaga, ang hiking sa loob ng Makiling Botanic Gardens. Sa entrance fee na 20 pesos, kami lang halos ang guests sa loob.

UPLB forestry and natural resources

UPLB forestry and natural resources

makiling botanic garden

makiling botanic garden

 

kakaibang trip

kakaibang trip

Hindi na kami nagpasama sa tour guide dahil marunong naman kaming maglakad at umiwas sa mga mababangis na lamok at gagamba. Marunong din kami magbasa at kaya rin namin i-pronounce ang word na DIPTEROCARP.

harang sa daan

harang sa daan

dipterocarp

dipterocarp

Ang dipterocarp ay isang klase ng puno na walang ibang ginawa kundi magpatangkad. Ginagamit ang kahoy nito sa mga poste ng kuryente dahil bukod sa matibay ito, hindi pa ito basta-basta nababali/tumatagilid.

tambayan ng frat

tambayan ng frat

Trivia lang din para sa mga sumusubaybay ng story namin. Dito namin narinig ang mga salitang I LOVE YOU na sambitin ng isa’t isa. Kung tutuusin, ito na ang tamang araw ng monthsary / anniversary namin, pero dahil makulit kami, ang unang interaction namin sa isang hapagkainan ang kinikilala naming anniversary.

Mas importante kasi para sa amin ang mga kilos kesa sa mga salita.

At pasesnya na, nagtagal ng 72 hours bago pa kami nagpalit ng Facebook status dahil binigyan namin ang mga sarili namin ng panahon para magpalit ng isip. Awa ng Diyos, hindi kami papalit-palit ng pag-iisip.

At syempre, sa araw rin na ito una kong nakilala ang mga kaibigan ni @penTells na sina @imJAMpacked at @BadAssJowie.

kampeon at tres marias ng makiling

kampeon at tres marias ng makiling

Ayan, inabot na tuloy ng katapusan ng Enero bago ko ito ma-post. It’s worth the wait naman di ba?

Pag may tanong kayo sa akin, paki-submit na lang sa http://ask.fm/PepiDeLeon.

Bat hindi natin pagsabayin ang hiking natin at pagiging tayo?

* Pasensya na nga po pala sa magko-cover ng prenup namin ha. Medyo madulas at mahirap kumuha ng pictures sa Makiling Botanic Gardens. Don’t worry, papakainin naman namin kayo ng Siomai ng UPLB.

Resort Review: Carayan Resort & Tourist Inn of Majayjay, Laguna

formerly DJRG Resort

Naaalala ba ninyo yung post ko tungkol sa pagtalon sa Waterfalls? Dito kami nag-stay sa Carayan Resort sa Majayjay, Laguna. Actually, kaya lang naman siya naging Majayjay dahil nakalampas na ng tulay, pero kung geographical location at lapit sa bayan, mas malapit siya sa bayan ng Liliw.

Carayan Resory and Tourist Inn

Carayan Resory and Tourist Inn

Malamig ang tubig sa resort. Galing ang tubig sa batis na dumadaloy mula sa iba’t ibang parte ng kabundukan ng Laguna. Balita ko nga, galing pa raw ang tubig sa Taytay Falls ng Majayjay. Kinwento lang yun nung nahuli namin na crispy crablets.

Double Pool at Carayan

Double Pool at Carayan

Maganda ang resort. May ari ng scrap/junk shop yung owner kaya hindi sila nagkukulang sa kagamitan. Yung mga upuan, galing sa foodcourt. Kumpleto sa sofa lahat ng kwarto. Kumpleto sa kama. Kumpleto sa ilaw. Pati mga paso at basurahan kumpleto din.

Carayan Resort & Tourist Inn

Carayan Resort & Tourist Inn

Sa pag-visit mo sa Carayan Resort, tandaan mo na ang mga gripo ay hindi dapat pinapatay. Sa lakas ng current ng batis, puputok daw ang mga PVC pipes pag pinatay mo ang mga gripo at inipon ang pressure. Libre ang tubig dun at pwede inumin. Yung tubig sa kanilang dalawang swimming pool, palit lang ng palit dahil sa tubig sa batis.

Organic din ang pagkain. Yung Pakô, kinukuha lang nila sa bakuran. Yung crispy crablets, hinuhuli lang nila sa batis.

buffet plating at Carayan Resort

buffet plating at Carayan Resort

Ang sarap mag-stay dun. Di mo kailangan ng aircon dahil presko ang paligid. Mura lang din ang entrance na P50 per head. Ang mga kwarto naman ay nasa P1,250 maximum per night.

Matatawaran pa basta yung may-ari ang kausap mo.

me talking in fron of Carayan Resort

me talking in fron of Carayan Resort

ready to take on the cold waters of Carayan Resort

ready to take on the cold waters of Carayan Resort

I really recommend the place kung plano ninyo bisitahin ang Laguna Trifecta (Nagcarlan-Liliw-Majayjay). Nasa gitna siya ng lahat at kumpleto na sa gamit. Mabait pa yung may-ari.

Carayan Resort & Tourist Inn
(Formerly DJRG Resort)
Brgy Panglan. Majayjay, Laguna
049 545 9136 | 049 545 0521
www.carayanresort.com

*nasabi ko ba na may videoke machine na P5.00 per song?

Blogger na Hiniwalayan ng Girlfriend, Tumalon Mula Sa 3-Storey Kataas

na Waterfalls sa Laguna.

Hindi na napigilan ang blogger na ito (itago natin sa pangalan na Pepi) sa pagtalon mula tuktok ng Bunga Falls sa Nagcarlan, Laguna. Tinatayang may 15 meters din ang taas ng waterfalls na may 5-10 minutes na trail hike.

sinusubukan pa muna kausapin ng mga locals si Pepi bago ito tumalon

sinusubukan pa muna kausapin ng mga locals si Pepi bago ito tumalon

Kakaiba ang talon na ito. Hindi kagaya ng maraming mga talon sa Pilipinas, ang Bunga Falls ay “Twin Falls”. Para kasing dalawang tumatagas na gripo ito. Kung gaano kataas ang paglaglag ng tubig, ganun din kalalim halos ang tubig sa ilalim ng talon.

Kaya naman safe ang pagtalon mula sa tuktok ng waterfalls.

Ang technique lang sa pagtalon sa Bunga falls, tatargetin mo lang yung gitna ng dalawang umaagos na tubig. Kitang kita naman yun pag nasa taas ka na. Hindi ka magkakamali.

Sukatan ng pagkalalaki ang pagtalon sa mga ganitong klase ng nature-made beauty. Sa pelikula ko lang din to unang nakita, pero ngayon, pwede na ma-experience ito sa Nagcarlan.

kailangan huminga ng malalim at ihanda ang lalamunan sa pagsigaw bago tumalon

kailangan huminga ng malalim at ihanda ang lalamunan sa pagsigaw bago tumalon

Para makapunta sa Nagcarlan, pwede ka mag jeep either from Sta.Cruz or San Pablo, Laguna. P30 pesos din ang jeep, depende kung san ka bababa. Magta-tricycle ka na lang mula sa bayan ng Nagcarlan papunta sa jump off point ng Bunga falls.

May 5 pesos na environmental fee na sisingilin ang isang ale bago pa bumaba sa Waterfalls.

Eto ang video footage ng pagtalon sa Bunga Falls:

Salamat kay Jinkee Umali ng Calamba-Online.com para sa pictures.
Salamat kay Gigi Celemin-Beleno ng MommyGiay.com para sa video.