Tag Archives: lisensya

LTO Success

Balikan muna natin ang aking TO DO List for 2010.

Ang nangunguna sa listahan na yun ay ang pagkuha ng driver’s license. At sa wakas, makatapos ang siyam an buwan, naglakas ng loob na rin akong pumunta sa East Ave. LTO Main Office para kumuha ng aking non-pro na license. Hindi kasi pwede sa Mandaluyong Satellite Office ang pagkuha ng non pro.

Akala ko e mauulit ang kapalpakan ko dati. Hindi na pala ngayon. Inagahan ko talaga ang pagpunta dun. Nagpamedical kaagad ako sa unang mag alok sa akin ng serbisyo at nagpa drugtest na rin.

Kumuha agad ako ng numero. Number 18. Ayos, mababang number pa to. Tinawag ang aking number, nagpasa ako ng requirements, at nagreview sa lecture room. Una kong kinuha ang English lecture pero parang mas mahirap kaya Tagalog na lang ang talagang inaral ko.

Matapos akong picturan, bumalik na lang ako sa Lecture room dahil malamig dun. Written Exam ang kasunod; pumasa naman ako. Practical Exam, ayos lang din kahit namatayan ako ng dalawang beses habang hindi pa umaandar ang sasakyan. Nakalimutan ko na may hand break nga pala.

Alas Dos na ng hapon nang makuha ko ang aking lisensya. Tuwang tuwa ako dahil lisensyado na akong magmaneho.

Eto nga pala ang Schedule of Fees na binayaran ko:

  • Drug Test – 300
  • Medical – 100
  • Testing Fee – 168
  • Car Rent – 250
  • License – 418

O pano? Road Trip na to!

My LTO experience

Isa sa mga items sa aking TO DO List para sa taong 2010 ang pagkuha ng non-pro na lisensya. At bago makuha ito, kailangan ko muna dumaan sa pagkuha ng student permit.

Kanina, sa kadahilanang rest day ko naman, minabuti ko nang magpunta sa LTO sa may Mandaluyong para kumuha ng student permit. Gaya ng dati, nagdala ako ng mga ID dahil alam kong kailangan yun.

Timecheck: 9:30am Continue reading

LTO Fail

Expiration ng student’s license ko kanina. Gusto ko na maging non-pro o pro ang lisensya ko. kaya nakipagsapalaran ako (habang may dalawang oras na tulog lang) papunta sa LTO office. Alas nuebe na nang makarating ako sa LTO Diliman Licensing Office.

Maraming fixers. hindi sila nauubos. Mataas sila sumingil. Nag window shopping ako ng fixers pero since hindi daw sila nagbibigay ng resibo sa mga transaction mo sa kanila, hindi na ako nagpa fix. Sayang ang pera, wala din naman mapapala.

So, yung usual na procedure na lang ang ginawa ko: drug test, medical, fill up ng form, kuha ng number at mag hintay. Nagpatulong ako sa fixer pero hindi ko siya binayaran. Hindi ako makikipag transaksyon sa hindi nagbibigay ng resibo.

Anak nampucha, 9.40 pa lang tapos na lahat ng form ko. isa-submit ko na lang para masimulan na ang proseso. Kaso, dahil sa hindi malaman na dahilan, nag offline ang computers ng LTO Diliman. Wala silang ma process na submission.

However, meron bukas na window 7 na kumukuha ng bayad windows 6 at 11 na nagti-take ng pictures. Pano kaya nila mapapasok sa computer yun kung offline? Sounds fishy noh? parang nakakagalaw yung mga accounts na may fixers pero yung mga normal na accounts e hindi. Benefit of the doubt na lang yun, wag na natin alamin kung totoo.

Matapos ang dalawang oras, nag-announce na rin sila na walang kasiguraduhan kung maaayos pa ang computers. Yung gusto daw lumipat sa ibang LTO, meron daw sa Kalookan, Tayuman at sa San Juan.

MAY PASOK PA AKO NANG 6pm!!!.

So sumuko na lang ako. Nagpunta na lang ako sa megamall at nakipagkita ki pinkmaldita para maglunch. Inayos niya kasi yung atm niya sa BPI kasama si purplebrat.

Ang mangyayari nito, since hindi na valid ang student license ko, hindi na ako pwede magpa non-pro o pro. Babalik ako sa student license at magaantay ng at least 1 month bago makapagpa non-pro o pro.

Dahil yan sa procrastination. Dapat kasi, matagal ko nang inayos yung lisensya ko na yan.

Di bale, wala din naman akong kotse na minamaneho. Huling driving ko ata e 3-4months ago na.

Hayaan ninyo, isasali ko na lang yan sa New Year’s Resolution ko.