Tag Archives: visprint

Book Review: Kikomachine Komix blg1

2005 pa nung lumabas ang librong ito. It is from the same publisher of the Bob Ong books, Visual Print Enterprises. Ang pagkakaintindi ko, compilation ito ng mga komik strip na makikita sa Philippine Daily Inquirer at kung saan saan pang mga dyaryo.

Si Manix Abrera ang author ng libro. Hindi ko siya kilala e. Wala kasi siyang Wikipedia page.

Pokus

Ang focus ng mga komik strip ay ang buhay kolehiyo. State University ang setting dahil parating dini-discus ang budget sa edukasyon at layo ng mga building sa isa’t isa. Sigurado akong makakarelate ang sino man na nasa Kolehiyo ngayon, nakatuntong sa Kolehiyo dati, o nakatapos ng Kolehiyo sa panahon ngayon.

Sa simula, o kung isang linya lang ng komik strip ang babasahin mo, hindi mo mage-gets ang humor. Parang pilit na nagpapatawa lang ang author. Pero kung sapilitan mong babasahin mula sa simula, sigurado akong mage-gets mo rin ang ibig ipahiwatig ng author sa ika tatlong pahina pa lang; at hindi mo na bibitawan ang libro hanggang sa matapos mo ito.

Mga karakter

Spiky hair boy – siya ang pinaka-korni sa grupo. Siya ang parating nagbibitaw ng punchline.
Kalbong chick – matalino siya, may mga banat na sensible, pero wala siya sa tono kung kumanta.
Eyeglass Man – medyo geek siya tignan pero hindi siya talagang marunong. Nakiki-ride siya sa kung ano ang gusto ng grupo.
Fatboy – kalbo rin ata siya. siya ang substitute ni spiky hair pag kinakailangan ng ibang gagawa ng punchline.

Sure akong magugustuhan mong tapusin ang libro pag nasimulan mo na. Ang problema na lang, kung pano mo sisimulan. Bigyan na lang kita ng motivation. Eto Trivia Questions:

  1. Bilangin kung ilang stick ng Isaw ang makikita sa libro.
  2. Bigyan ng ranking ang mga karakter base sa pagsasabi ng “Rakenrol”. Pinakamataas ang ranking ng pinakamaraming nasabi.
  3. Hanapin sa libro ang mga pangalan/nickname ng mga karakter. Andun lang yun, hanapin mo lang.

O pano? Hindi ko alam kung available pa ito sa mga bookstore, pero sure akong may mahihiraman ka. Get a copy now!

Book Review: Kapitan Sino

Kakabili ko lang ng librong KAPITAN SINO noong Biyernes. At sa araw rin na iyon, natapos ko ang libro. Gaya ng ibang mga libro ni Bob Ong. Easy-read lang din ang Kapitan Sino. Taliwas sa sinasabi ng website ng kaniyang publisher; hindi ko naman kinailangang ng 27 yr old or above na reading coach para maintindihan ang storya. Siguro kailangan ko yung coach para sa ibang detalye, pero hindi naman puro detalye ang libro.

What I like about the Book:

  1. The cover. Ang cover na disenyo daw ni Klaro de Asis. Kung sino man siya, parang stockholder siya ng silverworks o ng unisilver dahil sa kintab ng libro. Gusto ko ang disenyo dahil nangingibabaw ang pagka-metallic niya kung itatabi mo sa ibang mga libro. At hindi ko alam kung dapat ko ba talagang gupitin yung nakausling parte ng cover. Akala ko bookmark.
  2. Powerbooks. Dun ko nabili ang libro. Powerbooks sa greenbelt. Maaga akong umalis sa bahay para makadaan dun at hindi ma-late sa work. Isang lapit ko lang sa tindero (o tindera ata siya. di ko sure). Alam na niya na Kapitan Sino ang bibilhin ko. Pawis ko pa lang, amoy Kapitan Sino na. At nagtsismisan pa sila ng isa pang tindera nung ginamit ko credit card ko sa pagbayad. Wala ata silang mga credit card at wala rin atang balak na magkaroon.
  3. Ang Atake sa Lipunan. Sakto ang mga patama ng May Akda sa mga tao. Basahin mo na lang kung gusto mo malaman kung anu-ano ang mga iyon.

Mensahe ng Libro.

Sa unang tingin, akala ko, hinihikayat tayo ng libro na maging Superhero sa ating bayan. Ang gawin ang mga kaya natin para ayusin ang problema sa lipunan. Yun naman ata talaga ang paksa ng libro: Si Rogelio na isang taga-ayos ng mga sira-sira appliance, at si Kapitan Sino na taga-ayos ng mga sira-sirang bagay sa lipunan. Yun lang ang naiisip ko na mensahe ng libro para sa akin, sa oras na basahin ko ang huling mga talaga sa libro.

Pero parang hindi. Matapos ang ilang oras na pagmumuni-muni, at ilang pagtulog at pananaginip sa kung sinu-sino, parang hindi yun ang gusto ko gawin.

Parang ayoko ng Superhero.

Dahil kung ang mga taong umaasa sa iba, walang patutunguhan na maganda. Habambuhay kang aasa. At kung wala na ang pader na sinasandalan, maghahanap ka ng ibang poste na makukublihan. Hindi ganun ang kailangan ng ating lipunan. Hindi isang Superhero ang hinanahanap ng sambayanang Pilipino.

Itatanong mo sa akin kung ano?

Basahin mo ang libro.

Kapitan Sino

Kapitan Sino

** Bob Ong – Kampeon ng Pagkwento.